木槿花韓牛專門店 (Closed)

對上一次去韓國旅行就冇機會食韓牛，因為行程編到密密麻麻，加上同行朋友就唔食牛，於是到而家都一直耿耿於懷。喺香港食到韓牛嘅機會唔多，喺網上見到有人介紹過呢間位於中環嘅木槿花，有啲二人餐，見價錢可以接受，就陪男朋友黎試一試，記得印象喺附近食刨冰都有留意到。餐廳分位兩層，位置唔多，而且幾full。收工黎到都已經八點幾鐘，估唔到平日晚上都咁多客人。我地被安排地牢角落位置，所以十分建議預約。裝潢簡單，每張枱都有抽煙機，食完都唔會太陣油煙味，當晚客人較多，店員有點人手不足，但態度良好，盡哂力招呼，所以都會體諒。餐牌供應燒烤、火鍋，人均四百零蚊起標，套餐會划算啲，單點當然會貴少少，始終呢度都供應啲稀有部位，甚至最頂級嘅1++韓牛，定價較高。如果想食啲稀有部位，好似大理石，可以先預訂。泡菜醬料有大醬、鹽，前者可包生菜，韓牛沾少少鹽份亦是出色生菜二人燒烤套餐定價$788，首先上枱有雪濃湯配珍珠白飯，每人一份，湯呈奶白色，裡面加有蔥圈、牛肉片，湯底清澈，冇乜油份，味道較淡。正式黎講，都係第一次食韓牛，套餐包括三款牛肉：封門柳、腹脅兩側肉、腩包肉，連同少量例如粟米、洋蔥、荀、薯仔、雞脾菇。封門柳都係好稀有嘅