韓舍 (Closed)

入開元朗，想食韓舍。價錢又平又多選擇，同老公就行去食啦。夜晚七點已經好多人。韓燒類有好多，肉類幾好食仲醃製過，有三文魚扒雞翼羊假豬扒麻辣雞翼，咖喱魷魚，雞扒，牛仔骨，牛扒，魚柳，仲有好多菜類，山菜韭菜，紅腸腸仔，乜都有。除左韓燒外，仲有刺身、壽司。刺身有 三文魚、八爪魚、玉子，熟甜蝦等，刺睇落都幾肥美，三文魚幾厚切，每人可以拎四件。甜品都有好多，一件件的甜品有布甸椰撻啫喱焦糖燉蛋。仲有爆谷機棉花糖機，仲有DIY班戟同小丸子，落手自己整幾好玩。每位大約170左右，抽風系統好好又冇油煙味！