U-Hang (Closed)

西環真係愈來愈多各式各樣的餐廳剩係一出西營盤港鐵站已經見到好幾間。尼次特登同朋友lunch時段去拜訪尼間新派主打食韓西fusion菜的餐廳試試。餐廳環境算唔錯，有個長bar枱。全餐廳只有我地兩個人，可能係因為weekday，而且我地去到已經下午2點左右，所以無乜人。尼個石頭鍋飯，上枱時聞到陣陣香味，賣相一般。Menu寫係用上美國頂級牛肉，不過食落感覺同普通自己喺街市買嚟炒嗰啲無乜大分別 ，不過整體味道還可以。食得出一絲絲的手撕豬肉，燒烤醬味係帶微甜的，整體味道一般。豬肉就偏鹹，遮蓋咗其他配菜的味道。反而個薯條幾靚仔又好味！