韓讚 (Closed)

我最鐘意嘅韓綜三時三餐又開播了，經常追看，睇睇下都會特別想食韓國菜，最近都食左好幾間，當中以呢間「韓讚」最出色是日落住微雨，一行四人黎到渣甸街晚飯，呢棟大廈可能仲新，暫時得兩間食肆，相信之後會愈黎愈多餐廳進駐。韓讚位置都幾闊落，裝潢都幾靚啊，藍色牆身撞黃、白天花，地板不規則嘅配色，木枱配上木色、黃綠色椅子，感覺年輕，而最靚嘅就係掛喺窗邊嘅圓形燈同星星燈，相信喺街外抬頭都可以望到的。餐牌選擇豐富，有鍋類、沙律、餃子、煎餅、紫菜卷、鐵板烤肉、湯品、炸雞、飯麵、三文治、鬆餅、甜品等，定價合理，同一般連鎖韓國餐廳差不多。飲品選擇都好多，有韓式飲品、梳打、咖啡、朱古力、抹茶、水果茶、沙冰等，仲有鮮果汁，見到隔離枱點左，會即場用榨汁機榨，搞到我地仲心思思即刻上網睇下部榨汁機咩價位，想買部番公司玩下落單後，店員好快送上沙律、小菜，沙律幾新鮮，而泡菜味道都唔錯，不過就唔係任食，每碟係$20。辣醬炒年糕 $118炒年糕嘅味道對辦，除左圓形年糕，仲食到唔少沙白、魷魚、泡菜，年糕煙韌，份量不少韓潮炸雞 $98全晚點嘅菜都好滿意，唯獨呢份炸雞，有點失望。醬嘅味道調配得好，唔會太黏太稠身，但雞嘅炸漿偏厚硬，而且