牛知己 (Closed)

元朗-牛知己：晚市90分鐘放題（美國極選牛肉+海鮮放題）（$188）+10%位於世宙下面的牛知己，之前在IG見過佢既牛肉花，想試好耐了！但係我食既$188 90分鐘晚市放題就沒有那個花，只有平時食到一碟碟的牛。呢度特別既地方係佢其實係一個韓式火鍋放題！湯式有多種韓式選擇，牛骨雪濃湯不用加錢，我選的韓式泡菜湯就+$20。火鍋用銀色湯鍋，好有韓國風味！桌面上有tab可以下單，肉類和海鮮都在這裡order，然後一盤盤肉就會經路軌去到桌子旁上面！好自動化！我的$188套餐可以選美國極選牛肉、西班牙豚肉、西班牙五花肉、美國雞腿肉，海鮮有紐西蘭半殼青口、 原隻魷魚、帆立貝、蝴蝶蝦。前菜、蔬菜、丸類、飲品、熟食都可以在自助吧桌拿，非常方便，種類頗多，滿雪櫃都是，我覺得很滿意了！我特別欣賞他飲品方面的選擇，除了一般雪櫃內的凍罐裝飲品，還可以選擇熱的例如沉香茶！甜品有豆腐花，但我覺得最後一定要留肚食佢嘅乳酪雪糕，好多配料可以揀，超級正！