Video
Read full review
2023-03-24
38 views
啱啱飛完首爾，轉頭又掛住韓國菜，今次試下尖沙咀新開嘅韓風酒吧餐廳 - 2 Kims’ Pocha！餐廳位於赫德道嘅酒吧街！店舖好大，除左室內坐位，仲有露天坐位同打卡牆！裝潢型格又用心！Menu有鍋物、炸雞、煎餅、燒肉、醬油蟹等；仲有特式cocktail同韓國直送酒可供選擇！邊聽住kpop、邊睇住MV特別有氣氛！🥓五花腩配炒泡菜 $280 煎到金黃香脆嘅五花腩，肥瘦分明，油脂爆滿，香酥味濃！另一主角炒泡菜，酸度同辣度均勻，炒泡菜軟身啱哂夾住五花腩一齊食！配菜仲有雜菌可以增添清爽口感！🌶️🥣部隊鍋 $280 一邊滾一邊食嘅部隊鍋！有熟成泡菜、年糕、午餐肉、腸仔、豆腐、菇類同洋蔥等，滾住上枱的火紅色湯，又爽又辣非常惹味！熟成泡菜偏酸，樣樣配料都好夾又開胃！無得彈！ 🍯🍗半半炸雞 （蜜糖牛油味 及 甜辣味）$195 最鐘意食冇骨炸雞，啖啖肉又滋味！炸至金黃色嘅卜卜脆嘅外皮，完全保留左雞肉嘅原汁原味！雞肉嫩滑仲好juicy，加上面層薄薄嘅蜜糖牛油醬，香甜又美味；甜辣味炸雞同樣咁出色，外層有脆米令口感更豐富！🍶店長推介韓國直送有汽燒酒！非常易入口微甜又清爽！果然冇介紹錯！另外點左cocktail F
店舖好大，除左室內坐位，仲有露天坐位同打卡牆！裝潢型格又用心！Menu有鍋物、炸雞、煎餅、燒肉、醬油蟹等；仲有特式cocktail同韓國直送酒可供選擇！邊聽住kpop、邊睇住MV特別有氣氛！
🥓五花腩配炒泡菜 $280
煎到金黃香脆嘅五花腩，肥瘦分明，油脂爆滿，香酥味濃！另一主角炒泡菜，酸度同辣度均勻，炒泡菜軟身啱哂夾住五花腩一齊食！配菜仲有雜菌可以增添清爽口感！
🌶️🥣部隊鍋 $280 一邊滾一邊食嘅部隊鍋！有熟成泡菜、年糕、午餐肉、腸仔、豆腐、菇類同洋蔥等，滾住上枱的火紅色湯，又爽又辣非常惹味！熟成泡菜偏酸，樣樣配料都好夾又開胃！無得彈！
🍯🍗半半炸雞 （蜜糖牛油味 及 甜辣味）$195
最鐘意食冇骨炸雞，啖啖肉又滋味！炸至金黃色嘅卜卜脆嘅外皮，完全保留左雞肉嘅原汁原味！雞肉嫩滑仲好juicy，加上面層薄薄嘅蜜糖牛油醬，香甜又美味；
甜辣味炸雞同樣咁出色，外層有脆米令口感更豐富！
🍶店長推介韓國直送有汽燒酒！非常易入口微甜又清爽！果然冇介紹錯！另外點左cocktail Fruit Punch 同virgin mojito，唔會太偏甜，感覺可解解膩！2 Kims’ Pocha！
地址 📍：尖沙咀尖沙咀赫德道4號The Hart地下
Post
