Cooking MaMa 360 (Closed)

韓風吹得咁行，少不免要食多啲韓國野食。所以一嚟到 cooking mama就咁多人排隊！成間鋪頭都幾光猛，同普通韓食裝修有啲唔同。不過泡菜石鍋飯唔夠熱，所以飯焦都不多...味道就普通啦，始終唔夠熱係石鍋飯嘅一大敗筆。另外就係個名好架勢嘅酥皮焗咖喱牛肋芝士年糕！都幾大兜架淨食酥皮都飽一半，酥皮都幾熱辣辣好味，不過咖喱同年糕真係唔多夾，年糕亦略嫌太韌，牛肉嘅份量仲好少添。再來就係魚串，由於好掛住韓國嘅街頭味道，所以點來一試，味道不過不失，口感唔差嘅，係個汁太咸姐。要食泡菜記得要問店員喇，唔會自動畀架！不過一畀就成兜畀唔孤寒。