Video
Read full review
2022-09-25
427 views
又嚟享環天后搵食，之前幫襯過路口嗰間韓式熱狗店，今次就一於試下側邊嗰間「ChumChummi」。店舖主打正宗韓國料理，餐牌選擇好豐富，有便當、飯卷、炸雞、湯品，另外亦有各式各樣嘅韓式前菜，如泡菜、薯仔沙拉、辣醬魷魚等。點咗燉排骨高級便當 ($95)、烤牛肉包飯高級便當 ($85)、原味炸雞、吞拿魚紫菜飯卷，另外再加咗盒蜜糖番薯做甜品。每盒便當都附有湯同 8 款拌菜，有蘿蔔絲、魚糕片、豆芽、炒小魚乾、涼拌蕨菜等，另外飯面亦鋪咗 3 件蛋卷，蛋卷厚身得嚟又帶少許蛋香，好有韓式風味 。燉排骨份量比預期多，大大件，肉質腍滑，而且每件都有齊肉、筋和少許肥膏，加上入味嘅紅蘿蔔，口感甚佳。至於幾款伴菜之中，最鍾意就係涼拌菠菜同醬炒蓮藕，菠菜嫩綠無渣，入口帶陣陣麻油香、而蓮藕亦非常爽脆，清爽不油膩。烤牛肉水準亦唔錯，肉質肥瘦適中，入口嫩滑有肉汁，配料亦唔馬虎，有紅蘿蔔、洋蔥、椰菜同蔥段等，撈埋啲韓式醬汁一齊食，辣辣地，好惹味。炸雞 ($80/中) 雞件即點即炸，雞皮薄而脆口，肉身柔軟嫩滑，加上咬開外皮後，雞肉不乾身，外皮鎖緊肉汁，就算食原味都唔會覺得 Dry，實在有驚喜！另外呢款吞拿魚紫菜飯卷 ($
又嚟享環天后搵食，之前幫襯過路口嗰間韓式熱狗店，今次就一於試下側邊嗰間「ChumChummi」。
店舖主打正宗韓國料理，餐牌選擇好豐富，有便當、飯卷、炸雞、湯品，另外亦有各式各樣嘅韓式前菜，如泡菜、薯仔沙拉、辣醬魷魚等。
點咗燉排骨高級便當 ($95)、烤牛肉包飯高級便當 ($85)、原味炸雞、吞拿魚紫菜飯卷，另外再加咗盒蜜糖番薯做甜品。
每盒便當都附有湯同 8 款拌菜，有蘿蔔絲、魚糕片、豆芽、炒小魚乾、涼拌蕨菜等，另外飯面亦鋪咗 3 件蛋卷，蛋卷厚身得嚟又帶少許蛋香，好有韓式風味 。
燉排骨份量比預期多，大大件，肉質腍滑，而且每件都有齊肉、筋和少許肥膏，加上入味嘅紅蘿蔔，口感甚佳。
至於幾款伴菜之中，最鍾意就係涼拌菠菜同醬炒蓮藕，菠菜嫩綠無渣，入口帶陣陣麻油香、而蓮藕亦非常爽脆，清爽不油膩。
烤牛肉水準亦唔錯，肉質肥瘦適中，入口嫩滑有肉汁，配料亦唔馬虎，有紅蘿蔔、洋蔥、椰菜同蔥段等，撈埋啲韓式醬汁一齊食，辣辣地，好惹味。
炸雞 ($80/中) 雞件即點即炸，雞皮薄而脆口，肉身柔軟嫩滑，加上咬開外皮後，雞肉不乾身，外皮鎖緊肉汁，就算食原味都唔會覺得 Dry，實在有驚喜！
另外呢款吞拿魚紫菜飯卷 ($45) 亦係推介之選，一客有 10 件，米飯握得夠緊密，夾起不易散，加上飯卷入面塞滿了蘿蔔、青瓜同吞拿魚等，口感很豐富，食完好滿足！
蜜糖番薯 ($40) 番薯用透明膠兜盛載，面頭灑咗少少芝麻，再以蜜糖漿浸泡，入口甜糯得嚟又有質感，味道挺不俗。
Post
