味真 (Closed)

最近發現第一城開咗一間新嘅韓國烤肉店，呢間係香港嘅第一間分店，但係喺韓國已經有20年歷史，仲有130間分店。豬肉方面，我哋試咗豬三層肉200g $82，厚身同埋非常新鮮，燒出嚟嘅時候油脂香味十足。仲有豬梅肉200g $118，肉質嫩滑，每一口都充滿肉汁，真係唔可以錯過。另外，豬皮100g $41，大推！呢個真係我哋嘅心水推介，燒得勁香，口感煙韌。仲有帶子兩粒 $65，新鮮大粒，燒完之後仲保持住海鮮嘅鮮味。辣醬拌麵$60，甜甜辣辣嘅麵條煙靭，食落好有口感。肥牛麵豉湯$60，湯底勁濃郁，肥牛片片都吸滿咗湯汁，餸飯一流。呢度有韓國特色飲品，蜜瓜梳打$35同甜米露$18。