生生市場 (永德大廈)

Open Now

Now Closed

想食韓國菜又懶得去尖沙咀？銅鑼灣有間外賣店，主打多款常見嘅韓式料理，紫菜包飯、拌飯、冷麵、湯、小食、炸物等，即叫即整，最緊要係大件夾抵食，港島區嘅朋友仔可以去～ 懶人表示好鍾意食紫菜包飯，方便又快捷，健康又好味。小店提供多達七款口味，火腿帶微鹹，食落唔膩，豆腐適合素食人士，味道清淡，補充蛋白質、芝士最邪惡，叮幾秒仲過癮。另外有雜菜煎蛋捲，好厚一塊，口感層次豐富，散發著淡淡蛋香氣，感覺都幾唔錯。主食方面會推介炒粉絲，油光滿面，條條分明，味濃但唔膩，越食越上癮，配埋泡菜啱啱好。