Video
Read full review
2022-01-03
1110 views
「Pizza Maru」一直係我最愛嘅韓國餐廳之一，佢主打新派菜式，即係賣韓式炸雞同薄餅等。佢最近終於喺旺角登陸🇰🇷️，咁就唔使過銅鑼灣都食得到喇。餐廳位於朗豪坊，地理位置非常方便，人流極旺，所以避免唔到要等位…。我哋無訂枱，最終要八點半先入得，不過好在餐廳上菜都快😆，唔使捱肚餓。帶子泡菜卡邦尼意粉($158)，🍝佢係一道好出色嘅韓式Fusion菜，廚師完美地將泡菜同卡邦尼兩者融為一體，發揮協同效應，泡菜嘅酸辣中和咗忌廉嘅膩，同時亦令成個意粉變得惹味🤤。扁意粉煮得彈牙，並混入咗唔少食材，包括帶子、紫洋蔥、蘑菇、煙肉同火箭菜等，當中更加唔少得爽口泡菜，口感大大提升。蜂蜜蒜泥炸雞($123/六件)，🍗炸雞喺韓國菜佔一席位，餐廳當然亦有賣，但現時只有四款口味，印象中以前好似多啲🤔？不過我幾欣賞佢提供六件同十二件嘅選擇，兩個人食一打就實在太多了。炸雞外皮酥脆，即使淋上蜂蜜蒜泥醬都無整到濕撻撻🍯，而醬汁嘅甜度同鹹度協調得好好，最後內裡嘅雞肉就保持細嫩🐔。韓國烤肉芝加哥薄餅($186/九吋)，芝加哥薄餅好邪惡啊，皆因有雙倍馬蘇里拉芝士🧀，簡單講即係加強版嘅芝心批。即使我好鍾意食芝士，但開初都驚佢會漏
「Pizza Maru」一直係我最愛嘅韓國餐廳之一，佢主打新派菜式，即係賣韓式炸雞同薄餅等。佢最近終於喺旺角登陸🇰🇷️，咁就唔使過銅鑼灣都食得到喇。
餐廳位於朗豪坊，地理位置非常方便，人流極旺，所以避免唔到要等位…。我哋無訂枱，最終要八點半先入得，不過好在餐廳上菜都快😆，唔使捱肚餓。
帶子泡菜卡邦尼意粉
$158
16 views
0 likes
0 comments
蜂蜜蒜泥炸雞
$123
28 views
1 likes
0 comments
韓國烤肉芝加哥薄餅
$186
30 views
0 likes
0 comments
韓國烤肉芝加哥薄餅($186/九吋)，芝加哥薄餅好邪惡啊，皆因有雙倍馬蘇里拉芝士🧀，簡單講即係加強版嘅芝心批。即使我好鍾意食芝士，但開初都驚佢會漏，不過幸好出到嚟又OK。🍕薄餅本身都唔錯，口感煙韌，呈灰綠色係因為餐廳自家製獨有嘅麵團採用咗黑米、綠茶、小球藻同其他健康食材，另外灑上糖霜亦係一大特色。另一邊廂，薄餅料包括牛小排、辣肉腸、蕃茄同Maru蕃茄醬等🍅，幾樣嘢加埋一齊好搭調。
飲品方面🥤，我哋要咗Peach Lime Iced Tea($48)同埋Pink Berry Ade($48)，飲品大大杯，味道不過不失，勝在唔太甜。前者嘅蜜桃味比起青檸味出🍑，而後者其實係用Lemonade做底，所以幾清新，而且又帶有莓香🍓。
總括嚟講，Pizza Maru去到旺角同樣保持高水準👍，佢無論炸雞、薄餅定意粉都整得好好食，難怪有咁多人幫襯！價錢方面，我認為都過得去啦，係意粉細碟咗啲啫。題外話，我留意到餐廳定時會更新餐牌，咁就能夠不斷為客人帶來新驚喜☺️。
Post
