Video
Read full review
2020-07-12
1076 views
評分：🐷🐷🐷🐷（5🐷滿分）話說其實我哋只係兩個人食，但係就叫到......最後真係飽到唔識講😂12款前菜🥬首先講講佢哋啲前菜先，雖然所有嘅菜都醃製過，但係食得出真係非常之新鮮🤤尤其是係嗰泡菜同菠菜，好refreshing，超級鍾意食🤭如果同我哋一樣都好鍾意食前菜嘅朋友，仲可以添多d！但係都係果句啦，你係食得晒至好叫，唔係就浪費食物㗎啦❗️海鮮蔥餅🌮個海鮮蔥餅係鐵板上，保持到一定嘅熱度，蔥餅趣卜卜，食落口唔會話凍哂同油淋淋，入邊又好足料，抵食啊！但要留意一下佢始終都係澱粉質嚟，所以都幾飽肚下😂基本上，我食完個蔥餅已經飽咗🤯鐵板燒牛肋骨🥩呢度同好多韓國餐廳都一樣，佢有好多唔同牛嘅部位任君選擇，仲可以揀自己燒定係叫佢幫你燒添！大熱天時，我哋咁懶，就梗係叫佢燒啦😂，今次我哋揀咗牛肋骨，肉質非常之好，絕對唔會燒到老晒，又彈牙又冇渣，呢個可以話係必叫呀！雜錦炒🥗呢個其實就係將啲雜菜、蛋、同埋薯粉炒埋一齊，首先要一讚嘅係佢哋真係鑊氣十足🔥，雖然食材好似冇乜特別，又唔係鐵板上，但係啱啱一上枱嘅時候，就連我食到咁飽，都忍唔住食咗好多，因為佢哋真係炒得好香好香🥰，但係都係果句啦薯粉真係好飽肚😨總括而言，如果
評分：🐷🐷🐷🐷（5🐷滿分）
話說其實我哋只係兩個人食，但係就叫到......最後真係飽到唔識講😂
12款前菜🥬
首先講講佢哋啲前菜先，雖然所有嘅菜都醃製過，但係食得出真係非常之新鮮🤤尤其是係嗰泡菜同菠菜，好refreshing，超級鍾意食🤭如果同我哋一樣都好鍾意食前菜嘅朋友，仲可以添多d！但係都係果句啦，你係食得晒至好叫，唔係就浪費食物㗎啦❗️
前菜
55 views
1 likes
0 comments
海鮮蔥餅🌮
個海鮮蔥餅係鐵板上，保持到一定嘅熱度，蔥餅趣卜卜，食落口唔會話凍哂同油淋淋，入邊又好足料，抵食啊！但要留意一下佢始終都係澱粉質嚟，所以都幾飽肚下😂基本上，我食完個蔥餅已經飽咗🤯
海鮮蔥餅
99 views
0 likes
0 comments
鐵板燒牛肋骨🥩
呢度同好多韓國餐廳都一樣，佢有好多唔同牛嘅部位任君選擇，仲可以揀自己燒定係叫佢幫你燒添！大熱天時，我哋咁懶，就梗係叫佢燒啦😂，今次我哋揀咗牛肋骨，肉質非常之好，絕對唔會燒到老晒，又彈牙又冇渣，呢個可以話係必叫呀！
鐵板牛肋骨
113 views
0 likes
0 comments
雜錦炒🥗
呢個其實就係將啲雜菜、蛋、同埋薯粉炒埋一齊，首先要一讚嘅係佢哋真係鑊氣十足🔥，雖然食材好似冇乜特別，又唔係鐵板上，但係啱啱一上枱嘅時候，就連我食到咁飽，都忍唔住食咗好多，因為佢哋真係炒得好香好香🥰，但係都係果句啦薯粉真係好飽肚😨
雜錦炒
64 views
0 likes
0 comments
總括而言，如果你係兩個人嚟食嘅話，我哋建議你可以叫一份肉一份澱粉質。但係如果你係成班friend一齊食，就梗係可以食多啲唔同嘅選擇啦！
溫馨小提示：一定要預先book定枱啊❗️因為佢哋真係超級超級爆❗️因為而家做緊八五折優惠❗️
Post
