盤浦

Open Now

Now Closed

位於天后與炮台山中間嘅小街內，鮮黃色招牌，十分顯眼。踏入餐廳，瀰漫著韓風氣息，座位擺設都好似韓國當地嘅餐廳，不斷播放住K-pop，氣氛好熱鬧。餐廳提供多款上乘烤肉選擇，我試咗店員推介嘅三層五花腩同嫩滑多汁嘅雞肉。店員可以幫我哋燒烤，只要翹埋雙手就可享受到美食，服務周到。肉片於燒烤爐上滋滋作響，肉香四溢，讓人垂涎欲滴。餐廳有多款精心調製嘅泡菜，酸脆開胃與燒肉絕配。五花腩富含脂肪，在高溫燒烤下變得格外鮮嫩多汁，肉味香濃，豬皮變得Q彈，配搭酸甜微辣嘅泡菜一齊食，滋味無窮。雞肉經過韓式醬油特別醃製，燒烤嘅時候釋放出濃郁迷人嘅香氣。表面焦香，內裡仍保持多汁鮮嫩。每位店員都斯文有禮，會主動問我哋要唔要添加泡菜；見我哋想點生菜，亦會細心話我知每份肉都已經有包，唔需要額外再叫。