Video
5-min walk from Exit A, Fortress Hill MTR Station
continue reading
Telephone
23858255
Introduction
Korean BBQ Specialty Restaurant which offers a variety of grilled items like pork belly, pork ribs, beef short ribs, beef intestines, and eel. Korean snacks, bibimbap, and soups are also available.
continue reading
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
About Reward Scheme
熱愛韓國嘅我今次就試哩間由韓國人親自主理嘅燒肉店🥩 老闆雖然係韓國人，但可以英文溝通，間中仲會講少少中文💪🏻 一坐低，老闆就熱情介紹有咩特色食物同優惠👍🏻餐廳喺炮台山同天后之間，兩邊行都唔係好遠。環境好光猛，可以睇清楚啲肉燒得如何😂 而且乾淨企理，員工做野都好快手💨前菜五小碟有泡菜、醃青瓜、大豆芽、薯仔粒、洋蔥，味道正宗，夠哂開胃。👑牛肋條 $99今期減價優惠係牛肋條，睇落好似唔算好大碟，但食食吓發現都唔少🤭 肉質嫩滑唔會韌，味道唔會太淡太鹹，醃得剛剛好，食落牛味香濃，加上醬汁帶點甜甜地，老闆果然好推介👍🏻✨五花肉 $148五花肉肥瘦適中，豬肉同油脂分佈剛好，厚薄都啱啱好。老闆幫手燒肉，同時會教我地點樣燒得靚又好味🤤 食落唔會韌，下層仲有啲焦香，肉質腍軟。而家仲有優惠可以$99任食90分鐘，食肉獸一定唔可以錯過🤣 生菜只需要加$38就同樣可以任食😍 ✨牛舌 $168厚薄適中，咬落爽口彈牙，質感軟嫩可口😋 去食燒肉，我必定會叫牛舌👏🏻🔍整體感覺：餐廳座位有少少逼，但環境同乾淨程度都理想。老闆同員工態度都友善好客。食材同味道都新鮮好味，值得推介同再食，單點價錢都唔係好貴，任食就更加物超所值，性價比極高🤩
continue reading
放工同朋友食韓國嘢，一入到餐廳就覺得超有置身韓國嘅感覺，即刻開返枝啤感受氣氛🍺本身仲諗緊燒唔燒肉好呢🤔但見到人頭$99就可以任食pork belly🐷抵到爆，見到枱枱都燒到好high，於是我同朋友就決定嚟個韓燒！Unlimited Pork Belly $99/per person————————————任食又質素高嘅豬腩肉！一開始已經比好大盤豬腩肉🐷完全唔會吝嗇呀！一片片豬腩肉厚薄度剛好，每件都肥瘦相間，邪惡又好食😆每份生菜+$38，包埋菜加啲配料，成個配搭更加豐富。店員們都非常貼心，耐心解釋點樣燒豬腩肉係確保熟同好味😋有時會走嚟睇吓我地燒成點同幫手燒，超好體驗🫶🏾Kimchi Pancake $118————————————超大份泡菜煎餅！超足料，好香酸酸辣辣嘅泡菜味，加上蔥同洋蔥就更加香，仲有粒粒海鮮！煎到有少少焦香，好香口。Kimchi Soup with Pork $118————————————又係大大鍋又超足料！有好多泡菜，仲有金菇、豆腐、蔥等等，配個白飯，好暖胃。係度聚會實在太正，下次要再Call friends一齊去燒肉！
continue reading
昨晚去左北角韓店食燒肉，彷彿瞬間飛到了韓國。這家餐廳由韓國人主理，周圍的食客也大多是韓國人，真是相當地道。餐廳的裝潢簡約而具工業風，菜單上有各種韓燒、拌飯和湯品好多選擇。今期優惠 $99 任食五花腩，好抵。前菜五小碟小食非常正宗，有泡菜、酸蘿蔔、大豆芽菜、醃青瓜甘筍和薯仔等，讓人食指大動，而食完又可以再加。Pork belly五花肉 (任食) $99/ppl韓式五花肉風味十足，半肥瘦厚薄適中，燒至外焦內嫩，油香四溢。多餘的豬油會從盤邊流入油杯，這樣就不會感覺油膩。將肉片包在生菜中，配上大醬，簡單美味。Korean leek pancake蔥煎餅 $138煎餅大份，粉漿適中，裡面有大量的韭菜和香蔥，還夾雜著少量海鮮。雖然煎得還算不錯，但如果能煎得更脆點就更完美。搭配醋汁食，開胃又美味。Ginseng Chicken Soup人蔘雞湯 $188用上整隻雞釀入糯米，慢慢燉煮而成。湯底濃郁，雞肉軟嫩，人蔘味不太濃，但都幾滋補養生。
continue reading
食一間韓國燒烤，好似去咗韓國咁。先講佢抵食到爛嘅pork belly豬五花腩任食套餐，只需$99/位，一碟碟豬五花腩任叫唔嬲。加多$38/枱，生菜都任叫。加埋佢本身包埋嘅前菜，其實真係可以其他嘢咩都唔叫😂。豬五花腩 (任食$99/位) - 在場韓國職員會教你點燒到”金黃”。五花腩肥而不膩，襯麻油加鹽已經非常香口。就算真係肥，亦可以襯生菜(+$38任食)加辣醬，再唔係襯水冷麵，甚至擺落口即刻灌啤酒，同樣地係上天堂嘅感覺。當然，我哋會試吓其他嘢。水冷麵($118) - 原本諗住用嚟做澱粉質，冷卻一下燒烤嘅肉，點知職員叫我哋連同燒烤肉一齊食，話呢個係當地食法。結果果然有奇效，一凍一熱擺入口，另類享受。CASS啤酒 ($38) - 韓國本土嘅啤酒，味道比香港嘅啤酒略為濃一啲，解膩效果唔錯。要注意唔好擺喺個爐隔離，會好快暖晒。樂天初飲初樂蜜桃味燒酎 ($68) - 聞落去嘅桃味好豐富，飲落去酒精感比啤酒重，但甜度充足，適合女士。咁樣叫法真係十足酒池肉林😂。Pork Belly同其他優惠當然抵食，但其實呢度最好嘅地方係接近韓國嘅環境同服務，服務員都係以英文溝通，佢哋示範點燒同解釋嗰陣，我真係覺得自己去咗韓國。
continue reading
炮台山有間韓國餐廳，店長雖然係廣東話有限公司但都好盡力同食客講廣東話，respect，當然更令人respect嘅係嘢食啦7月過咗一半喇，入到嚟先知今個月有$99任食五花腩，唔嗌就真係對唔住荷包喇本以為咁平一定係平價凍肉質素，點知啲五花腩紋路勁靚，厚切一片片，好似一支粉紅肥壯軍隊排列出嚟！燒嘅時候唔使省油，五花腩本身會有豬油逼出好快就燒至金香脆口，夾落蔬菜捲加調味韓國韭菜，肉汁由菜罅流出，爽得無比食完，五花腩、蔬菜都係任添㗎連前菜都可以refill，除咗泡菜、芽菜，仲有黑豆、魚糕比較特別嘅菜式天口㷫加上燒肉，最啱就係食水冷麵沉澱吓個人，佢地嘅水冷麵好大兜啲麵食極都仲有咁，酸酸地又冰涼，簡直係夏日一樂也次次見到有煎餅，都好想嗌返碟，呢碟蔥煎餅，佢嘅厚度係超出大胃對煎餅嘅認知份量激大，而且好足料好厚，如果鍾意大蔥嘅人食，一定開心死韓燒又點可以唔飲返杯，就算胃民唔揸車都照嗌好乖嘅飲品而大胃當然飲啤酒啦，除咗Terra，原來Cass都唔錯㗎喎
continue reading