韓脈 (帝國中心)

Open Now

Now Closed

今次我地過左黎尖東呢邊睇下燈飾，順便食飯，感受下聖誕氣氛，我地都韓國菜就食得多，今次就揀左呢間有埋韓燒既食餐好既😍餐廳門口有好多相，裡面佈置曬聖誕裝飾，坐位夠闊，我地點餐後店員隨即送上前菜，而所有前菜都可以無限添食，正呀😆2人豬牛韓燒套餐（$680）呢個2人餐相當豐富，首先沙律可以揀南瓜沙律或者牛油果+生果沙律，我鐘意食牛油果多d，就揀左牛油果，主要生果係提子，甜甜地咁幾好味🥗湯類亦都有2款揀，有牛胸肉大醬湯或者泡菜豬肉湯，我鐘意泡菜就揀左泡菜泡，熱辣辣滾住上，個湯一定要趁熱飲，依家冬天飲暖笠笠，配料好足，豬肉同豆腐又多又好味🫕煎pan蛋呢個蛋佢係逢食韓燒就送既，就好似平時爐邊蛋咁，不過佢係成碟上，冇爐邊蛋果種滑，但係就有炒蛋既香🍳蜂窩五花肉個餐有2條五花肉，相當肥美，用黎夾生菜食真係一流，個餐包左一份生菜，想添就要再加$10一份🐷豬肩肉呢個大大塊豬扒，想對就冇咁肥，肉質唔韌，好有咬口，同樣用黎夾生菜食係最好食😋調味特級牛肋骨牛肋骨既肉相當靚，塊肉醃得好入味，而且肉質嫩口，雖然韓燒一般都係豬係重點，但呢塊牛，絕對係正🐮最後個餐有雪糕或飲品，飲品係柚子蜜，雪糕就係雲呢拿雪糕，我地每樣揀左