韓膳宮韓國料理 (Closed)

今晚約了媽媽食韓國菜，因為媽咪有D咳, 所以我們沒有選擇燒烤, 而餐廳環境尚算寬敞, 唔會有好迫的感覺。點菜後送上6小碟配菜，味道不錯特別欣賞薯仔，佢地整得好爽口，我喜歡。紅燘牛肋骨 - 裡面有紅蘿蔔，白蘿蔔，東菇，醬汁好惹味而且全滲入配菜及牛肋骨內, 而且肉質好冧，送飯一流。 韓國生醃醬油蟹 - 今次係第二次吃，希望媽媽會喜歡, 不過這裡的醬油蟹並沒有跟紫菜飯, 雖然蟹的size 不算太大，不過蟹好肥美，而且蟹膏不少，食落的感覺滑溜溜，而且好鮮甜，我始終覺得加少少飯媽媽比較容易接受, 所以叫了一個白飯去食加上醬汁一起食, 媽咪話ok, 而我當時覺得yummy啦。秘製豬手（跟生菜）- 份量十足，肉質軟滑，不會有韌的感覺，跟豬皮一起吃，好多骨膠原呀！而且整只豬手的味道都好平均，加上麵鼓醬及蒜片放在生菜上一起吃，岩岩好(要強調的係生菜及蒜片係無限添加, 而且不收費)。