豊洲水産海鮮丼専門店 (Closed)

最近築地市場拓展香港市場，即將響灣仔新碼頭開幕，大家都引頸以待，但始終都仲要等多陣先對公眾開放，於是朋友就介紹左一間於10月1日於銅鑼灣搶先開張，同樣來自築地市場的豊洲水産海鮮丼専門店，止止渴先!我同朋友於開張第二日下畫6點就衝左去銅鑼灣朝聖，都有心理準備要排好耐隊，去到條人龍已經排到街尾，我哋拎左張90幾號嘅籌，心知要等第一輪啲人食完先有得入，於是就行開左一個鐘再返黎。我哋7點返到條人龍仲排到去街尾，以為有飛便不用排等叫號，怎料還是要一齊排，店員話拎倒籌只係確保食客可在10點前入座，因為當日只派200個籌，派完就無得食。唉!唯有認命排隊，早知就唔走開。不過我建議個派籌安排可以改善下，早拎籌代表早黎已經等緊，籌嘅作用就係排隊，點解仲要個人棟響度排呢?我們足足等到8點才可以入座，店內氣氛熱鬧，座無虛席是一等，店員也很殷切招待。由於我們已於等候入座時下了單，不消5分鐘第一道菜便出現了。不得不說這兒的價錢十分合理，豐斂由人，一個丼有要價百多元至兩百元，其實也叫公價，何況佢以用料上盛新鮮作招徠，質素未食已令人看高一線。首先是料理類的宮崎產燒腸，燒物一直是我心頭好，這燒腸燒得甘香，肉質肥瘦有致，