台北巷弄 (Closed)

Fatvava 揾食😋台式排骨便當 $60肉燥飯，豬肉肥瘦都有，連埋汁撈飯，佢唔會太多肉燥因為仲有大大塊排骨主菜。排骨醃得入味，又唔會太乾身，淋身帶少少肉汁，送飯都唔錯！得一舊單骨，加上少少配菜，有粟米粒，青瓜塊，撈飯好滿足。仲有隻糖心蛋！隻蛋令個便當生色不少！甜不辣 +$13有咬口，台灣感覺返晒黎，有魚既鮮味再加上少少甜口，做飯前飯後小食，再配奶茶真唔錯！湯，有少少菜同蟲草藥，清清地幾解渴。胚芽奶茶 +$10胚芽好多，每一啖滿滿幼細胚芽，有口感。奶茶重茶味，叫左走甜都唔會過淡，都幼滑。