スーパー丼 (駱克道) (Closed)

今日又帶阿媽去食好野，經過見到間餐廳，俾佢嘅裝修同食物相吸引左入去。見到餐牌好多樣嘢都好吸引，我阿媽唔食生嘢所以叫咗個「鰻魚丼」而我就叫咗「鰻魚玉子和牛丼」。首先個賣相好吸引，牛肉好香，食落軟腍，牛味濃郁，而鰻魚厚身，食落夠肥美，不過偏甜，將飯混合埋流心玉子，味道一流。每啖飯都有牛肉，好滿足。鰻魚份量唔少，同樣都係厚身肥美，媽媽表示味道唔錯。當然就無日本咁好食，頂住癮先。