Video
Read full review
2019-09-02
104 views
大角咀不嬲美食雲集，行過見到呢間店既招牌好搶眼，同時又好耐冇食火鍋，就入去試下啦～一入到去職員已經好好招呼，一嚟就俾左壺竹䉀茅根！同花生～竹䉀茅根勁消暑！個溫度岩岩好而且好清甜！好大壺，岩晒打邊爐飲～醬料應有盡有，想落幾多都得！叫左個刺身，有三文魚加赤貝（~$126)～擺相好精美，而且好鮮甜冇雪味，正！我地叫左蕃茄同芫荽皮蛋湯～因為見到餐牌上既相好吸睛，所以我地叫左個細份既手切頂級牛頸脊（$148），見到個實物之後真係嘩嘩聲，啲牛靚到！食落好嫩好有牛味！必叫！再嚟黑松露雲吞同韭菜豬肉餃，皮薄餡靚，好味！後面係我從來未食過既豬腳筋，放完湯會變到好淋，好多骨膠原～食火鍋叫手打蝦滑同墨魚是常識吧！好爽口彈牙，正！最後係蔬菜同薄烏冬，蔬菜好新鮮！仲有飯後西瓜，滿足❤️
行過見到呢間店既招牌好搶眼，
同時又好耐冇食火鍋，
就入去試下啦～
一入到去職員已經好好招呼，
一嚟就俾左壺竹䉀茅根！同花生～
竹䉀茅根勁消暑！個溫度岩岩好而且好清甜！
好大壺，岩晒打邊爐飲～
醬料應有盡有，想落幾多都得！
叫左個刺身，有三文魚加赤貝（~$126)～擺相好精美，而且好鮮甜冇雪味，正！
我地叫左蕃茄同芫荽皮蛋湯～
因為見到餐牌上既相好吸睛，所以我地叫左個細份既手切頂級牛頸脊（$148），見到個實物之後真係嘩嘩聲，啲牛靚到！食落好嫩好有牛味！必叫！
再嚟黑松露雲吞同韭菜豬肉餃，皮薄餡靚，好味！後面係我從來未食過既豬腳筋，放完湯會變到好淋，好多骨膠原～
食火鍋叫手打蝦滑同墨魚是常識吧！好爽口彈牙，正！
最後係蔬菜同薄烏冬，蔬菜好新鮮！
仲有飯後西瓜，滿足❤️
Post
