喰楽

Open Now

Now Closed

最近突然間想食日本料理，我同屋企人就去咗觀塘駱駝漆大廈嘅喰楽食關西風壽喜燒。餐廳主要有三個套餐，而我哋就嗌咗一個A餐（日本赤身和牛套餐）同一個B餐（日本霜降和牛套餐），而且最好嘅係店員喺成個過程都會幫我哋烹飪美食，非常貼心。前菜前菜有廣島蠔，吞拿魚刺身壽司同埋和牛薯餅。廣島蠔好鮮甜，肉質飽滿，帶有少少海水嘅味道，配上檸檬汁更加突顯佢嘅鮮味。吞拿魚刺身壽司配上魚子口感更加濃郁同豐富。而和牛薯餅外皮炸得好脆，淡淡都充滿和牛肉粒，好滿足！套餐A（日本赤身和牛套餐）包含3-4個不同部位 $468赤身和牛色澤非常漂亮，脂肪量比較少，咀嚼更加有口感，而且肉味非常濃郁，燒完之後更有一陣牛香味，唔會完全比壽喜燒嘅甜味覆蓋佢原本嘅牛味。之後可以點一點蛋液，令到入口更加順滑，味道更加豐富。野菜拼盤野菜拼盤有冬菇、蓮藕、芋絲、豆腐、洋蔥、娃娃菜、南瓜等等。店員會將唔同嘅蔬菜同不同部位嘅牛配搭，牛肉配上吸滿壽喜燒味道嘅蔬菜，味道一流！kuuraku 特色飯點食完牛肉同野菜拼盤後仲有個濕炒飯，店員會主要用壽喜燒汁做調味，之後加上和牛粒、蔥和雞蛋喺鍋裏面炒，充滿壽喜燒嘅香味！炒完之後店員仲會加上紫菜，令到炒飯多一