Video
Read full review
2013-11-23
3667 views
頂級尊貴 豪吃傳聞中嘅北斗翁頂級火鍋料理打邊爐真係一個秋冬必做的動作，一班人暖lup lup 坐埋一齊烚下烚下真係好爽。人大了，對打邊爐的要求愈來愈高。從前係屋企樓下吃個$98邊爐任食任飲已經好幸福。現在就追求靚野正野。尋鮮味。要尋找靚野正野食的我，今次泥到傳聞中嘅頂級火鍋店。點解係傳聞，因為我有一個好中意曬命嘅朋友成日曬自己係這裡打邊爐。餐餐都要幾千。但我未去過，所以就定佢為傳聞店！哈，王天不負有心人。今次終於比我試到佢傳聞中的北斗翁頂專火鍋料理位於利舞臺19樓的北斗翁頂尊火鍋料理單看裝潢已經夠派頭，還要讚其抽風系統超好。入到去感覺乾爽而且無濃的火鍋味。坐位都分得好開，而且枱與枱之間距離很足多。舒適度已經攞滿分。第二讚係服務夠細心，加水加茶換碟永遠係你想叫人之前已經做左，真係快人一步理想達到。d staff 又nice 又有禮貌，d 器皿又乾淨企理。平時火鍋會食到打囇仗咁，泥到北斗翁食到最後都整整齊齊。仲有調味小櫃應有盡有，混個靚汁準備開動！一坐低叫左野飲先，先來個酸梅湯醒胃，足料酸酸may may . 絕非糖水湯, 一揸$58，抵飲！之後仲試了竹庶矛根，清清甜甜，十分適合解油膩.龍
打邊爐真係一個秋冬必做的動作，一班人暖lup lup 坐埋一齊烚下烚下真係好爽。人大了，對打邊爐的要求愈來愈高。從前係屋企樓下吃個$98邊爐任食任飲已經好幸福。現在就追求靚野正野。尋鮮味。
要尋找靚野正野食的我，今次泥到傳聞中嘅頂級火鍋店。點解係傳聞，因為我有一個好中意曬命嘅朋友成日曬自己係這裡打邊爐。餐餐都要幾千。但我未去過，所以就定佢為傳聞店！
哈，王天不負有心人。今次終於比我試到佢傳聞中的北斗翁頂專火鍋料理
位於利舞臺19樓的北斗翁頂尊火鍋料理單看裝潢已經夠派頭，還要讚其抽風系統超好。入到去感覺乾爽而且無濃的火鍋味。坐位都分得好開，而且枱與枱之間距離很足多。舒適度已經攞滿分。
第二讚係服務夠細心，加水加茶換碟永遠係你想叫人之前已經做左，真係快人一步理想達到。d staff 又nice 又有禮貌，d 器皿又乾淨企理。平時火鍋會食到打囇仗咁，泥到北斗翁食到最後都整整齊齊。
仲有調味小櫃應有盡有，混個靚汁準備開動！
一坐低叫左野飲先，先來個酸梅湯醒胃，足料酸酸may may . 絕非糖水湯, 一揸$58，抵飲！之後仲試了竹庶矛根，清清甜甜，十分適合解油膩.
龍蝦魚生拼盤之後好快就上了第一道美食！就係打邊爐總會吃的sashimi !! Woo! 今次的魚生拼盤絕不惹少！ 係重頭戲原隻龍蝦魚生拼盤($1,188)，一出場驚艷全枱，重點當然係超新鮮龍蝦剌身一隻，單睇這個龍蝦都已經feel 到佢有幾豪氣！龍蝦平時都有機會吃，但龍蝦剌身小妹都係第一次吃到。爽甜味美，讚不絕口！除了龍蝦剌身外，還有象拔蚌，三文魚、鱆紅，劍魚、希靈魚、件件都成1 cm 咁厚，啖落啖啖鮮甜味，厚切果然係最正！龍蝦魚生拼盤足四至六位用，一人一件唔洗爭，剌身即叫即整，新鮮到不得了！而且吃得出選料一定係靚貨！
前菜剌身已清碟，就上火銅湯底了！當晚試上了一個皇牌湯底，就係鮮茄粟米龍蝦湯($288)，咪以為得個名，真係撈到成隻龍蝦咖！湯底真係鮮甜到爆！淨飲都掂！配上火鍋靚料，肯定無得彈！粟米都勁甜！
鮮茄粟米龍蝦湯另一個湯底是 招牌鴛鴦鍋($108)，組合了秘製沙嗲鍋 和皮蛋香茜鍋 ，沙嗲非常香濃惹味！滾一下個味已經很突出了！皮蛋元茜清甜而且足料！
金牌手切肥牛湯底介紹完！到底今餐有咩餸先！為了滿足我這個牛魔王！當然第一時間先捧上北倒翁金牌手切肥牛啦！今次試了脊位 ($228)和邊位（$228) ，兩者的口感度有所不同，個人喜歡脊位，肥瘦平均，雪花紋靚，而且油感豐富，快手過一過湯後吃，超級嫩溜， 邊位比較有口感，都係超水準之作！
桂花蚌($128) 鮮甜爽口又大件，而且一碟份量很多，絕對不欺場。過一過龍蝦湯鮮味出曬泥！我一四個女人加個男人，見到 花膠筒($158)真係搶住吃！食花膠的火鍋果然不同凡響！花膠放龍蝦湯煮特別甜特別矜貴！煮耐d 就更棉更膠啊！
鎮店水餃王介紹完三樣我超推介配料後仲要介紹佢地個超超超推介的 鎮店水餃王($108)，這個水餃妙就妙在佢本身已經好大隻！大概係平時吃開的1.5 倍，再講內涵。水餃內全部都係鮮蝦！多到好似會爆咁咖！但皮又多薄！但又可以包得好實唔會散！就算係滾到最後，粒水餃都無散開咖！
黃沙豬膶併鮮鵝腸接住介紹重口味美食！ 黃沙豬膶併鮮鵝腸($108)，我是豬膶迷泥咖！對豬膶的要求很高！最怕係煮完實到爆那種，最喜歡咬落棉棉地的黃沙膶！北斗翁這個豬膶唔知點形容，總之一個字正！到於新鮮鵝腸真係好好味、喜愛者必吃呀！
喂喂喂！Joanna 姐你淨係食肉好似唔健康喎！哈！既然係咁。食返個日式野菜籃($88)，清下腸胃！日式野菜籃分量大，種類又多！菜的選擇多變，一籃齊曬菇同菜！正！
日式野菜籃
仲有個港人打邊爐必吃 炸響鈴($58)，這裡的 炸響鈴都係殿堂級水準作！加個甜酸醬吃係超級享受！記得過湯1秒好走。先食到個種脆口又有湯的感覺！
還有脆肉鯇骨腩片($98) 同爽滑蟹籽蝦滑($98) 脆鯇腩片真係好脆口又甜！蝦滑都彈牙麥口！
脆肉鯇骨腩片 ,爽滑蟹籽蝦滑正堂我已經飽到坐係度時。。出現了傳説中的千歲爺壽包($18) . 真係大到不得了！講真同長輩泥慶生咁大個壽包真係威！這個壽包都做得好出色，包皮真係軟熟得泥有彈性，蛋黃分量又做得健康左。半隻剛好！蓮容香棉，仲好有光澤，味道清甜剛好不會膩，永準之上！
千歲爺壽包北斗翁環境舒適，服務又係頂級，配料又頂級好味，而且分量又足，連個甜品都做到一絲不苟！
講真望落去碟碟一百以上好似有點貴，但質素咁高又咁新鮮，仲要唔會有一大堆菜放係碟底扮多，而係碟碟都真係咁多。一百蚊真係抵比啦！頂級火鍋，真係無叫錯！下次朋友，家人生日泥北斗翁豪返下。食埋個高質壽包就爽啊！
Other Info. :
講真望落去碟碟一百以上好似有點貴，但質素咁高又咁新鮮，仲要唔會有一大堆菜放係碟底扮多，而係碟碟都真係咁多。一百蚊真係抵比啦！頂級火鍋，真係無叫錯！下次朋友，家人生日泥北斗翁豪返下。食埋個高質壽包就爽啊！
(The above review is the personal opinion of a user which does not represent OpenRice's point of view.)
Post
