順。越南牛肉粉

Open Now

Now Closed

餐廳：順。越南牛肉粉地點：中環街市菜式：越南菜餐牌：餐牌簡單，有湯粉（河/檬），撈檬同小食。兩點就轉下午茶餐牌，價錢平少少。蕃茄蟹膏蟹肉蝦丸扎肉湯檬 $72蕃茄蟹膏蟹肉蝦丸扎肉湯檬個湯果然係紅色，濃濃番茄味，甜甜地好好飲，呢個湯配幼身檬粉又幾夾。中間一pat鹹香金黃色蟹膏，我唔捨得整散佢，湯面有唔少去殼蟹肉。蝦丸兩粒，呈淺橙色，都算彈牙。扎肉兩片，質感味道都唔錯。除左芽菜，仲有唔少新鮮番茄，面頭再加上蔥花同芫荽。呢碗蕃茄蟹膏蟹肉蝦丸扎肉湯檬都幾豐富，唔怪得定價比其他稍高。順。生牛肉湯河 $62順。生牛肉湯河個湯好清，唔似有落味精。生牛肉6片，唔好整太熟都算嫩，份量算多。牛丸3粒，雖然較細粒，不過都算多汁。伴有白蘿蔔一大件，洋蔥圈，蔥條，芽菜，蔥花同脆脆。另上一細兜青檸同辣椒等你自己調味。河粉係幼身，都淋。自家手工牛肉丸湯 $56牛肉丸一客10粒，同順。生牛肉湯河既牛肉丸一樣，伴有白蘿蔔一大塊，最後灑上蔥花。個湯都係好清。蓮藕蝦餅 $48蓮藕蝦餅 一客4件，呈圓扁形，煎得熱辣辣，入面食到粒粒蓮藕，伴有甜酸白蘿蔔絲，生菜絲同薄荷葉可以同食減溫同減膩。個人覺得呢度既番茄湯都幾特別又好味。