鳳城酒家 (Closed)

順德菜係香港都可以算係幾受大眾歡迎，迎合到大眾既口味。今次黎都係叫咗啲特色嘅小菜，先同大家介紹一下。先飲個湯先，叫咗蟲草花螺頭燉雞，好足料，濃得黎又冇味精既味道，好補🤪生菜奄春崧，其實係一個中式嘅生菜包。有肉碎，松子仁等等既材料炒埋一齊，好香口，唔包生菜就咁飯都正！包埋生菜就fresh啲大良野雞卷拼炒鮮奶，呢個係我最鍾意食嘅順德菜！但鮮奶係炒到好滑，而且奶味同蛋白味都好重，好考功夫！大良野雞卷原來係豬油味既脆卷，撈埋鮮奶食都好夾！順德生炒桂魚卷，呢碟菜係做得好用心好驚喜👍🏻 呢個魚片係好新鮮，好甜，然後咬開入面係有餡料，好高質！桂花炒魚翅，賣相十分之吸引！金黃色，係魚翅炒蛋，魚翅份量十分多，入面仲有蝦仁同埋芽菜，口感更豐富~鳳城炒飯，個飯都唔錯，飯粒好分明，夠哂火候！配料都好多最後到呢個甜品環節，梗係要試下呢個出邊好難先食到嘅西米焗布甸！食落唔算太甜，蛋味好濃，好滑