Video
Read full review
2016-02-17
1435 views
雖然晌中環工作，但一向都甚少出外食晏，唔喺帶飯返去叮，而喺公司屬舊派，仍有叫福食嘅傳統。都幾好架，足不出戶，專人送到，快快手食完又可以瞓吓晏覺。不過，間中都有例外，就如福食嗰邊無咁快開市，又趁新正頭，約約附近做嘢嘅朋友外出食餐開年午飯。晌德輔道、皇后大道一帶超多人，上番少少嘅蘭桂坊其實有唔少食肆，但人潮就相對細。嚟到Ciao Chow，鋪面開揚，近門口僻為酒吧，所以，門口以高腳吧枱為主；再入啲，環境依然闊落，原木、配雲、銅管嘅組合，帶點工業風，貫徹番依一帶食肆要夠型格。再者，開放式廚房，睇到廚師團隊落力做菜，側旁一大個玻璃櫃，吊起多條意大行火腿。而另一邊廂，巨型大烤爐，令人對其薄餅充滿萬分期待。雖然喺食晏，不過，依度無午餐供應，全部散點，橫掂開年，就一於食得豐富少少！前菜小食有超多選擇，大大話話近30款，分為肉類、芝士類及蔬菜類，各式其式，適合唔同喜好嘅人士，定價$32-$98，豐儉由人。Bruschetta ai Pomodoro $48意式嘅烤麵包片配以蕃茄粒伴橄欖油，麵包香脆，蕃茄鮮甜，簡單開胃。Salame Napoli $32拿坡里我只想起馬勒當拿曾效力過嘅意甲球隊，佢嘅莎樂
晌德輔道、皇后大道一帶超多人，上番少少嘅蘭桂坊其實有唔少食肆，但人潮就相對細。嚟到Ciao Chow，鋪面開揚，近門口僻為酒吧，所以，門口以高腳吧枱為主；
再入啲，環境依然闊落，原木、配雲、銅管嘅組合，帶點工業風，貫徹番依一帶食肆要夠型格。
再者，開放式廚房，睇到廚師團隊落力做菜，側旁一大個玻璃櫃，吊起多條意大行火腿。而另一邊廂，巨型大烤爐，令人對其薄餅充滿萬分期待。
雖然喺食晏，不過，依度無午餐供應，全部散點，橫掂開年，就一於食得豐富少少！
前菜小食有超多選擇，大大話話近30款，分為肉類、芝士類及蔬菜類，各式其式，適合唔同喜好嘅人士，定價$32-$98，豐儉由人。
Bruschetta ai Pomodoro $48意式嘅烤麵包片配以蕃茄粒伴橄欖油，麵包香脆，蕃茄鮮甜，簡單開胃。
Bruschetta ai Pomodoro
$48
77 views
1 likes
0 comments
Salame Napoli $32拿坡里我只想起馬勒當拿曾效力過嘅意甲球隊，佢嘅莎樂美腸又會喺點？睇起嚟好似好多油膏咁，但入口又唔覺佢肥，帶少少甜味，又有少少辣香。
Pancatta Coppata $38從餐牌可見，店內有24個月嘅巴馬火腿（$66），亦有36個月熟成嘅黑毛豬火腿（$98），都話豐儉由人，賣$38嘅意大利煙肉賣相唔差架，油潤鹹香，友人覺得有少少偏鹹，所以配烤餅同食就好啲。
湯品及沙律歸為一類，但其實只有是日餐湯一款，反而，沙律共有8款選擇，每樣睇落都幾有特色。
Kale $118佢哋每道菜都會寫有咩成份，可以讓人搵到合心水嘅選擇。就好似依道沙律，主要有羽衣甘藍（Kale，晌網上有見過譯為卷葉芥蘭）、意大利煙肉碎、松子仁並拌勻蜜糖香蒜汁。羽衣甘藍入口清爽，煙肉碎及松子仁加添口感嘅變化，醬汁亦做得較輕盈，整體感覺清新健康。題外話，羽衣甘藍近年被受熱捧，除有豐富有益元素外，有指對某些癌症有好處。
Kale
$118
92 views
1 likes
0 comments
Carbonara $138卡邦尼意粉（雞蛋煙肉意粉）相信大家食唔少，薄餅版嘅卡邦尼唔知會變成點？佢屬於無醬汁底嘅款式，但批面鋪咗好多意大利煙肉、紫洋蔥，又加少少羅勒葉，再以蒜頭、黑胡椒調味，配合埋莫沙里拉芝士，而最「卡邦尼」就自不然晌中心位打隻生雞蛋啦。批底屬薄批，但又唔喺「餅乾」底，咬落好軟熟，有點韌勁，味道鹹鹹香香，莫沙里拉芝士香軟柔韌。
Italian Butcher $208相對個Carbonara，依一個「意大利屠夫」絕對喺另一番風味。以蕃茄醬為底，配以意大利鮮蕃茄、巴馬火腿、莎樂美腸、莫沙里拉芝士為組合，非常惹味鹹香，最刺激喺加咗辣油，辛辣香口！
Italian Butcher
$208
87 views
1 likes
0 comments
晌意大利菜中，甜品都好有特色，所以，嚟到午餐嘅尾段，來一客甜點作個完美結束。
Tiramisu $78講經典非意大利芝士餅莫屬，今日試到嘅多道菜式，賣相都平穩，唔似法國菜咁多花巧，就連件芝士餅都一樣。馬卡風芝士饀心好幼滑，帶淡淡芝士香，內裡手指餅微微濕潤，咖啡酒落得亦恰到好處。
一年伊始，香港已經好多是是非非，我哋言談間自然離不開此等話題。依餐開年飯，似乎大家都食得頗為滿意，但願香港安定繁榮，人人都豐衣足食，事事順景！
Post
