Video
Read full review
2018-06-28
49 views
今日同朋友去九龍寨城公園行下，行完去附近搵嘢食嘅時候見到呢間裝修得好有格調嘅港式餐廳就入去一試。餐牌有好多選擇，有鐵板、包類、all day breakfast 、魚湯米線、焗飯等，好多元化。先叫個鐵板餐，T骨牛扒跟薯菜($98)。叫咗七成熟，塊牛扒好有質感，牛柳個邊夠嫩，咬落唔會韌，而sirloin個邊好厚實，帶點嚼勁。而整件扒都充滿肉汁。鐵扒亦都夠熱，食得好滋味。惹味咖哩角，炸得剛好，入面好足料，肉味好出，而咖哩味好香。另外仲有沙律醬做配搭，味道好夾。炸雞翼薯條，雞翼好出色，炸得好香脆，帶有咸香，而炸皮唔會太厚，令整個口感加分。凍玫瑰茶走，只要叫個鐵板餐加8蚊就飲到，茶走嘅茶味好濃，加上適量嘅淡奶!!good!!環境~MENU:
先叫個鐵板餐，T骨牛扒跟薯菜($98)。叫咗七成熟，塊牛扒好有質感，牛柳個邊夠嫩，咬落唔會韌，而sirloin個邊好厚實，帶點嚼勁。而整件扒都充滿肉汁。鐵扒亦都夠熱，食得好滋味。
惹味咖哩角，炸得剛好，入面好足料，肉味好出，而咖哩味好香。另外仲有沙律醬做配搭，味道好夾。
炸雞翼薯條，雞翼好出色，炸得好香脆，帶有咸香，而炸皮唔會太厚，令整個口感加分。
凍玫瑰茶走，只要叫個鐵板餐加8蚊就飲到，茶走嘅茶味好濃，加上適量嘅淡奶!!good!!
環境~
MENU:
Post
