泰.越.港 (Closed)

今日難得放假就陪父母行街，行完之後順道過來中環吃飯，唔使媽咪要回家再煮飯咁辛苦。餐牌裏面好多選擇，睇到我哋眼花撩亂，呢樣又想食嗰樣又想食，最後就由爹哋發辦，叫了以下的幾樣食物，Mekong海南雞 $128店員推介說這是他們的招牌菜，$128我們只叫了半隻，本來還擔心份量會很少，怎知道來了之後，見到半隻份量也很大，媽媽說平時去街買雞都貴，呢度幫你整埋到呢個價都算真係咁，雞肉尚算滑溜，冇乜雞骨，每口都係肉係好食泰式拼盤$88吃過海南雞之後，繼而上的便是這個小食拼盤，裏面有春卷 雞翼 蝦餅 沙嗲雞串，春卷香脆，雞翼香口唔油膩，蝦餅彈牙，口感亦係脆卜卜，最後沙嗲雞串就好熱惹味，加埋花生粒沙嗲醬，本身唔係特別鍾意食串燒嘅爹哋都鍾意。越式鳳梨醬炸軟殼蟹$86除咗拼盤之外呢一個炸軟殼蟹亦都係令到母親父親大人讚口不絕嘅食物之一，軟殼蟹好大隻，酥酥的質感加上酸甜菠蘿汁，好味得黎又不會膩，食完炸軟殼蟹之後，仲可以食鳳梨醬裏面嘅菠蘿，好食到食晒啲軟殼蟹同埋菠蘿之後，我哋都忍唔住留低個醬點其他嘢食。