順．和の味 (Closed)

餐廳：順．和の味地點：中環南豐大廈菜式：日本菜，主打福岡水炊鍋餐牌：平日午市有定食，主要跟飯，一共有12款。都有3款烏冬。雞肉水炊定食 $188 另加一同事介紹呢度好似水炊鍋係出名，所以試試。定食成個set上枱，都要等一陣先有得食，成枱人就有人先有餐，有人要等耐d。雞肉水炊鍋都幾大鍋，連皮雞肉大概有4，5舊，都算滑溜，可惜雞無雞味。水炊鍋以雞湯作湯底，味道係好清，其實都無雞味，湯水稍稍厚身，飲左幾啖都唔口渴。另外有兩粒類似魚蛋定係雞肉丸。蔬菜量豐富，有看似日本椰菜，豆腐，冬菇，金菇。配有珍珠米一碗，夠濕潤，同埋有柚子醋沙律雜菜加車厘茄，前菜係黃蘿蔔積物同其他積物，少料既滑溜日式蒸蛋，同糯米糍一粒做甜品。每人送一杯飲品，有檸檬茶，綠茶同柚子蜜，凍熱都得。我叫左凍柚子蜜，大大杯，飲完好飽肚。食完成個餐都夠飽。個人覺得雞肉水炊鍋都唔太特別，呢個價錢可以有更好選擇。不過都飽同坐得可以，位置都算方便。