Video
Read full review
2024-03-19
300 views
食嚟食去都係嗰啲嘢，朋友介紹話試吓呢閒，佢訂咗位，俾個餐廳地址叫我哋自己去。從來未嚟過大坑食嘢，諗住早少少嚟搵吓間嘢喺邊度。到咗附近行上行落都見唔到間似食火鍋嘅嘢！🤔 再行返去街尾見到另外一個friend 於是一齊搵，佢見到偏高嘅位置有個細細嘅「潮民」招牌，問係咪要上樓上，不過地址明明係地下，最後對清街名同門牌號碼入咗去，不過點睇都唔似係間火鍋店。😅我唔係好鍾意番茄湯，不過介紹我哋嚟食個friend話叫我哋一定要試吓。我哋叫咗啲餐前小食（其實未試過打邊爐會食餐前小食，新嘗試😂）炸魚皮又脆又大塊，午餐肉好香好特別，雖然話係炸嘅，但係一啲都唔油淋淋，加埋啲Kimchi真係絕配。今日其中一個主角應該係手切牛肉，雖然老細話咗俾我哋聽呢個係牛嘅乜嘢部位，不過我唔記得咗啦😅。老細幫我哋灼熟，啲牛肉質感好好，味道鮮甜😋😋，我哋食完呢碟，又叫咗一碟另一個部位（都係唔記得係邊度🤣），淨係知道好食超正，喺超市同街市買嗰啲雪藏肥牛冇得同佢比，根本就唔同level😂。西班牙黑毛豬肉片都好好味，好滑。為咗唔想灼得太耐，嘥咗啲蟶子，又係有專人幫我哋整埋。😋😋啲竹笙好大條又夠爽，不過值得一提嘅係佢哋啲牛丸同潮洲魚蛋
從來未嚟過大坑食嘢，諗住早少少嚟搵吓間嘢喺邊度。到咗附近行上行落都見唔到間似食火鍋嘅嘢！🤔 再行返去街尾見到另外一個friend 於是一齊搵，佢見到偏高嘅位置有個細細嘅「潮民」招牌，問係咪要上樓上，不過地址明明係地下，最後對清街名同門牌號碼入咗去，不過點睇都唔似係間火鍋店。😅
我唔係好鍾意番茄湯，不過介紹我哋嚟食個friend話叫我哋一定要試吓。
潮民蕃茄湯
$228
44 views
0 likes
0 comments
我哋叫咗啲餐前小食（其實未試過打邊爐會食餐前小食，新嘗試😂）
炸魚皮又脆又大塊，午餐肉好香好特別，雖然話係炸嘅，但係一啲都唔油淋淋，加埋啲Kimchi真係絕配。
炸魚皮
$48
44 views
0 likes
0 comments
午餐肉
$58
53 views
0 likes
0 comments
今日其中一個主角應該係手切牛肉，雖然老細話咗俾我哋聽呢個係牛嘅乜嘢部位，不過我唔記得咗啦😅。老細幫我哋灼熟，啲牛肉質感好好，味道鮮甜😋😋，我哋食完呢碟，又叫咗一碟另一個部位（都係唔記得係邊度🤣），淨係知道好食超正，喺超市同街市買嗰啲雪藏肥牛冇得同佢比，根本就唔同level😂。
西班牙黑毛豬肉片都好好味，好滑。為咗唔想灼得太耐，嘥咗啲蟶子，又係有專人幫我哋整埋。😋😋
蘇格蘭聖子王
$88
28 views
0 likes
0 comments
啲竹笙好大條又夠爽，不過值得一提嘅係佢哋啲牛丸同潮洲魚蛋，兩樣都超好食，質感同味道都好正，值得推介。不過又係嗰句，唔同level嘅嘢係比較唔到嘅。😂
整體嚟講，食物質數好好，環境比一般火煱店正好多，服務非常好（除咗我哋一入餐廳嗰陣一個人都冇之外😂），但係價錢就真係都幾貴，對我個人嚟講係一個好特別嘅餐飲經驗。如果有心理準備價錢唔會平，又想試吓另類火煱，可以嚟試試。（P. S. 我其實唔知實際人均，俾錢嗰位冇講，不過根據menu上嘅價錢，都大約估到😅。）
Post
