雋太日本料理 (Closed)

今日同男朋友去左元朗一間日本放題餐廳，之前已經試過好幾次係度食，而我地book 左夜晚最早既時段 5:30-7:30，價錢168，需要加一，餐廳環境大致上唔錯，衛生、整潔，而職員服務滿意，會時刻幫你拎起食完既碗碟，可能係平日既關係，人流比假日少。我地點左唔少野食，食物選擇同一般日本放題不相伯仲，刺身、串燒、炸物等等，都係一啲大路野食。刺身：味道唔錯，特別欣賞榮螺，口感較爽，而不足之處是三文魚的雪味蓋過鮮味。 餐廳亦提供冷熱飲，如柚子茶、紅棗茶，冷飲可以係雪櫃自取。 至於其他食物方面，特別欣賞黃金燒蠔，蠔的大水比想像中大，而且醬汁特別，是燒過的蛋黃醬，味道大致唔錯。 甜品方面，movenpick 雪糕是不二之選，有士多啤梨和朱古力口味，與一般放題餐廳不同，每人限食一杯，是必食回本之選。