金泰燒烤

Open Now

Now Closed

响陳仔飲完碗葛菜水，當堂醒晒，跟住與太座會合揾食。新馬鞍太多人，唔想等。轉嚟呢度，太座好有興趣，諗諗吓自己又未食過，呢排又冇乜食泰國嘢，一試無妨ar...呢間人龍僅次於隔籬街小曼谷嘅小店，最耍家就係佢哋嘅燒烤。所以都係專攻呢味...燒雞翼、魚餅及牛肉，伴嘅沙爹汁都係同一款，特別在沙爹汁入面有頗多嘅花生粒及一D類似眉豆嘅東西，响其他鋪就真係未見過。味道微甜，辣度剛好，不俗...最出名嘅燒大蜆當然要叫la...肉肥大，無乜沙，鮮甜，基本上唔需要醮上伴醬都好食....諗諗吓齋食燒烤會唔多夠飽，於是再叫炒河及通菜...泰式醉貓雞肉炒河，個名好過癮。睇個名就知加咗酒落去炒。不過酒味不太濃，炒得頗濕，辣度夠，不俗...通菜炒得唔油之餘，蝦醬味剛好，絕不死鹹，不俗...滿意的一餐...