泰聚 (Closed)

拜年再過到天水圍，朋友介紹食係佢屋企附近嘅泰國野，一心諗住都係普通一間餐廳，重要叫外賣，所以都不以為意～點知一落車睇到個環境好正喎！泰式嘅佈置，舒適嘅裝潢都已經吸引，點知門口竟然有個小小嘅遊樂場小朋友簡直開心死環境已經令我覺得可以有機會再黎堂食一下～返到去開餐睇樣已經覺得唔錯，食落更加加佢分海南雞係我地至愛，啲肉好滑吖生蝦新鮮爽鮮，個汁一流特別要推介嘅係佢嘅燒魚～朋友每次必叫，真係好想堂食試下係咪更好味，不過因為天水圍太遠，見到佢有分店係太子，下次去試下先