御前牛盛日式涮涮鍋 (Closed)

去之前book左位，去到好快就有位，地方闊落，而家好少餐廳會用煤氣爐，夠快又夠風味。坐底左後侍應同我介紹返有咩湯底，我朋友揀芝士，我食清湯，打邊爐d料好齊，大部份丸類都齊，有我鐘意既貢丸，芝士丸，龍蝦丸，芝士腸，芝士魚蛋，重有魚生食。蔬菜類都多款揀，菜洗得乾淨，粟米鮮甜。但都係基本野，如果佢可以加d自家製既野就好了。自己去拎調味料，配料算多，有辣有唔辣，任君選擇。野飲款式都多，但無我上網見到既香焦奶，可能俾人飲晒，但仲有好多韓式飲品同多款紙包飲品。而上野食既速度都算好快，食物又唔會有凍雪，幾新鮮。魚生份量好足，又新鮮唔會得一兩件，唔洗叫幾次，但可能以打邊爐為主，所以刺生款式不算多，質素同普通日式放題差不多，不過價錢平，都不能要求太多。總括黎講，餐廳既服務，食物質素都ok，但食物冇驚喜，都係d基本野。