Villa Villa (Closed)

北海道帆立貝意大利飯—黑松露忌廉汁 $138睇OpenRice見到好多人都叫呢個帆立貝意大利飯食，睇d相覺得好吸引，所以我都點左呢個飯嚟食。呢個意大利飯真係做得好好食，黑松露味好香濃，意大利飯口感好立體，最驚喜係個厚切帶子，非常鮮甜，試完之後就明白點解咁多人食呢個飯。雙重芝士薄餅—墨魚汁 $8888蚊有咁大個pizza真係好超值!! 餅底非常簿脆，芝士嘅份量完全係超出我地嘅想像，鍾意食芝士嘅人一定會愛上呢款pizza!! (Pizza 份量太多，我地食唔晒要打包，店員好好人，比個盒我地嘅時候仲溫馨提示話: 個外賣盒係錫紙,記得唔可以放入微波爐架!我地都覺得店員真係好細心!)黃金炒薯條$68新鮮製作送到上餐枱時依然熱辣辣，加上香濃嘅咸蛋味，食完一條接一條，真係停唔到口 芝麻雞翼 $48一碟4隻，每隻都有滿滿嘅芝麻，雞皮炸得香脆又唔油膩，可以用外脆內嫩嚟形容餐飲我點左有機咖啡，大大粒ice ball好吸晴咖啡飲落口好似蒸餾水咁滑，幾特別。