寰宇堂

Open Now

Now Closed

舊年去台灣參加小表弟婚宴時，肥肥家族選擇咗乘搭「國泰航空」o既夜機。當晚好唔好彩地遇上航班因機件故障而被取消，幸好家人購下商務機票，其中二人更為鑽石卡會員，耐心等待o既幾個鐘頭間，XO仔就去齊航空公司o既「寰宇堂」商務及頭等貴賓室，探索一番。由於兩個貴賓室相連，安頓好父母喺頭等貴賓室休息後，旅遊家哥哥就帶咗小肥先去商務貴賓室度八。國泰航空「寰宇堂」商務貴賓室主要分「風味坊」及「咖啡閣」兩個區域，前者主要係高櫈吧位，後者則為較舒適o既梳化椅。雙方間隔都好開揚，可惜駐場服務生完全唔主動，感覺也太hea 了。「風味坊」個自助區內可見多款凍熱飲品及點心小食，當中牛肉燒賣最搶手同最好味。食客亦可於開放式廚房點選即叫即煮o既雲吞湯麵、擔擔麵、魚蛋湯河粉、野菜稻庭烏冬及三款包品。如相所示，魚蛋河同野菜稻庭烏冬個賣相都唔係咁得，食落更加係淡而無味。件生煎包則包皮過厚，餡料乾嚡，講真都幾恐怖。外出o既「咖啡閣」環境較開揚。主要係食三文治、蛋糕、西餅、雪糕等，個人覺得睇見都唔係太開胃，所以行咗一轉就決定直接去頭等貴賓室就算。國泰航空「寰宇堂」頭等貴賓室比起隔壁o既商務貴賓室明顯豪華得多。頭等貴賓室主要分為