麥當勞24小時麥麥送 (Virtual Shop)

Open Now

Now Closed

夜晚自己喺屋企做 project 趕 deadline 做到凌晨，屋企又冇即食麵，附近又冇seven-eleven, 能夠做嘅就只係用 apps 嗌麥記, 入 apps 入唔到成日彈出都已經燥底到一個點，點知仲有更差嘅事，就係等咗成個幾鐘頭，麥記的外賣車手先到，餓到我胃痛，真係燥上加燥。天氣都唔係話熱，等外賣車手送到上嚟屋企嘅時候，杯焦糖雪糕已經係溶曬，成杯雪糕溶咗嘅，認為心情係會係點樣，又會好食得去邊？就睇呢張相大家都知道有幾頹。 Double Big Mac 仲更加頹！！ 個包拎上手係淋嘅！ 一拎起放入口咬，個包就爛，完全係過曬時間嘅，而且毫無溫度，其實都明知外賣唔會太好 quality，但都唔使咁樣係咪呀，大佬我都畀錢㗎。我一向係麥當勞fans，我都唔想畀負評，但係我又可以點。