Video
Read full review
2013-03-31
310 views
12月1日, 今日出到銅鑼灣, 好想鋸個鐵板扒~ 不過銅鑼灣鐵板扒餐選擇唔係太多, 好食出名嗰幾間又一係無位一係太貴… 結果揀無可揀之下求其去咗以鐵板打響名堂, 不過質素卻每況愈下嘅花園餐廳開餐算…::: 鐵板西冷牛扒配薯菜 ::: $51餐湯同餐包都係呢d港式西餐不可或缺但亦係最求其嘅一環… 餐包細細個形狀歪歪斜斜, 睇住侍應隨手夾起幾個放入微波爐係咁二叮熱佢就罷就, 麵包面唔知點解係油油的… 不過雖然賣相求其, 味道都算係ok. 跟餐嘅羅宋湯只係半兜多dd, 好在d蔬菜份量都唔少~鐵板西冷上檯, 侍應隨即亦拎住蒜茸同黑椒汁比你揀, 示意你準備好攤開餐紙幫自己遮一遮, 然後就將醬汁倒落熱辣辣嘅鐵板之上~ 西冷牛扒份量比想像中多! 兩大塊牛扒淋上醬汁之後香氣更加濃烈惹味~ 牛扒都預咗唔係靚扒, 但起碼今次呢塊唔會醃到好霉, 咬落仲有d彈性, 食落都有d牛味. 牛扒底部照樣有d唔多配搭嘅小棠菜同薯條等被醬汁辣燶同浸腍… 不過嚟得呢度都係志在個鐵板扒je… 對薯菜要求都唔係咁多…凍檸茶呢個真係要讚~ order咗少甜少冰都做得到! 茶味濃檸檬味亦夠, 如果幾片檸檬可以切番薄d易篤d就更好~
::: 鐵板西冷牛扒配薯菜 ::: $51
餐湯同餐包都係呢d港式西餐不可或缺但亦係最求其嘅一環… 餐包細細個形狀歪歪斜斜, 睇住侍應隨手夾起幾個放入微波爐係咁二叮熱佢就罷就, 麵包面唔知點解係油油的… 不過雖然賣相求其, 味道都算係ok. 跟餐嘅羅宋湯只係半兜多dd, 好在d蔬菜份量都唔少~
鐵板西冷上檯, 侍應隨即亦拎住蒜茸同黑椒汁比你揀, 示意你準備好攤開餐紙幫自己遮一遮, 然後就將醬汁倒落熱辣辣嘅鐵板之上~ 西冷牛扒份量比想像中多! 兩大塊牛扒淋上醬汁之後香氣更加濃烈惹味~ 牛扒都預咗唔係靚扒, 但起碼今次呢塊唔會醃到好霉, 咬落仲有d彈性, 食落都有d牛味. 牛扒底部照樣有d唔多配搭嘅小棠菜同薯條等被醬汁辣燶同浸腍… 不過嚟得呢度都係志在個鐵板扒je… 對薯菜要求都唔係咁多…
凍檸茶呢個真係要讚~ order咗少甜少冰都做得到! 茶味濃檸檬味亦夠, 如果幾片檸檬可以切番薄d易篤d就更好~
::: 西班牙汁龍俐柳配意粉 ::: $42忌廉湯雖則係有粟米料, 但係飲落好清好稀, 味道欠奉… 忌廉質地唔係杰嗰隻, 都似係落咗味精吊味.
龍俐柳有炸過嘅感覺, 有少少脆口, 所以都可以接受, 魚味唔會有期望, 但求唔好只係有雪味, 呢個已經算唔錯~ 西班牙汁亦即係甜甜酸酸嘅茄汁味, 味道尚可, 撈埋個唔太彈牙, 不過唔淋嘅意粉, 叫飽肚咁啦~ 亦估唔到佢有咁多粟米, 不如落多d去個忌廉湯度仲好啦…
雖然話就話花園餐廳食物好似每況愈下, 但其實依舊有唔少捧場客, 多數都係放lunch嘅打工仔或者後生仔女啦~ 畢竟幾十蚊可以食到個餐湯餐包餐飲全包嘅鐵板餐, 其實又真係好抵食嘅! Post
