眾志堂

Open Now

Now Closed

CU既飯堂食得最多既就係頹飯。(喇沙干炒雞柳河粉$34，蝶豆花鮮奶-半糖少冰$18)喇沙干炒雞柳河粉：河粉入口非常夠鑊氣，而且河粉本身加入左喇沙去炒，所以入口都辣辣地咁，非常惹味。另外，河粉入口既質感亦都唔算太油膩，而且河粉本身加入左蔥同芽菜去炒，所以亦有助消除油膩感。雞柳雖然就無乜喇沙味，但都算醃得夠鹹夠入味！加上雞柳口感又爽口又滑，只可惜雞柳既份量實在唔多。整體來講呢一碟河粉真係性價比極高，依家諗返起都垂涎三尺。蝶豆花鮮奶：呢杯茶飲顧名思義就係加入左蝶豆花汁同鮮奶去製作。蝶豆花本身冇味就係人都知，所以其實佢只係得個顏色出咗黎。加入鮮奶就變咗顏色夢幻既Tiffany Blue。飲品入口有好重既奶味，比十字奶更香。真係完全估唔到店舖用咗邊隻奶去沖。再者，飲品每一啖入口之後都會有一浸怪味，正正就係大快活D飲水杯果隻味。整體來講接受唔到果隻怪味，所以飲品真係非常一般，可能下次真係要試吓其他茶飲。