小念頭 (通菜街) (Moved) New Location

上次已經覺得好滿意，喜歡呢個小空間同店主嘅出品。平日黃昏時間人流唔會太多，我地坐左喺梳化位置，十分舒適餐牌供應甜點、飲品，最近仲有貝果添，甜點類定價$45-60，當日有泰式奶茶戚風、焙茶栗子卷蛋、伯爵茶芝士蛋糕等。每人低消一個項目，好合理，畢竟小店空間有限。雖然仲想試多幾款，但太接近晚飯時間，只好先試左呢款紫薯圈。流心紫薯圈 $52台灣好多cafe都有供應類似嘅蛋糕，香港則比較少見，有唔少朋友介紹過，果然冇令我失望。紫薯圈就唔係話好大隻，以兩層戚風蛋糕夾住手製成蓉嘅日本紫薯，而中心再加入紫薯奶，一切開就紫薯奶湧出，有澎湃嘅流心效果，顏值好高蛋糕體濕潤鬆軟唔乾，亦無粗糙感。紫薯蓉味道香濃天然，略為甜啲，保留少許粒粒口感。中間嘅紫薯流心奶香十足，配合蛋糕一齊食唔會膩口。金邊玫瑰杞子桂圓茶 $46蒸完身就選擇熱飲啦，桂圓茶感覺好養生，裡面有杞子、桂圓肉，味道清潤，想對濃茶比較無負擔。芝士奶蓋炭焙烏龍友人點嘅凍飲。