好好運快餐店 (Closed)

經朋友介紹才認識這個間店，原來咁出名食沙牛，由於荔枝角對我來說不太就腳，加上疫情幾年少出門，也就從來未試過。今次朋友表示好好運又即將結業，所以就親身來試一試。門口已有人龍，幸好排了半小時左右入得。我們點了一個沙牛煎蛋紅腸麵，另一個是沙牛炒蛋紅腸麵，再加一份豬扒。一上枱時份量多到嚇親……紅腸厚切，係出面餐廳2-3倍厚，而且煎得好香，絕不馬虎。而名物沙爹牛肉有花生醬的香甜味，煮得好軟淋入味，難怪咁多人讚不絕口。豬扒亦炸得出色，加$14有厚切一大塊，這個份量已經完勝，味道亦不錯。完成了整枱餐點，連晚飯都省下了，希望好好運盡快重開，等我可以再食到咁好味嘅沙牛～