圓貝 (星光行) (Closed)

知道公司附近開咗近期好hit的純素茶飲店—圓貝，一間顛覆手調茶飲舊有概念的茶飲店，咁近我當然要去朝聖一下啦~ 手調飲品一向都被人嬉稱是廢水，因為多糖又無營養，但圓貝完全顛覆這個固有概念，令手調茶飲都可以變得更健康！因為這裏的飲茶注重天然，健康，營養和美味，故採用純素材料製作，包括天然植物甜味劑、自家製植物奶及以超級食物製作的珍珠，令人飲得更健康，同同事各人揀咗一杯飲品試吓~ 🌟藍天白雲 呢杯好靚，用上柚子、芒果、及熱情果等生果，再加上蝶豆花奇亞籽啫喱，配上腰果燕麥奶，面頭則是椰子奶蓋，味道不會太甜，飲落有楊枝金露的感覺，清新又好味！🌟非常可仁 同事點了這杯非常可仁，因為用上黃金燕麥奶及純素朱古力糖醬，上面是朱古力米蓋，朱古力味道非常的濃郁，又帶點燕麥奶的味道，內裏的珍珠是活性碳製作的，更有口感也更健康，喝了一口，不是太甜，朱古力迷會鍾意。🌟抹茶海鹽麻糬曲奇/特濃朱古力曲奇 另外見到有曲奇，順手各人買了一塊回公司作下午茶，曲奇也是純素的，而且口感是美式曲奇。抹茶海鹽曲奇，滿滿的抹茶味道，但帶一點鹹，味道濃郁，內裏還加入麻糬，更加煙韌好味😋