鮨佐瀬 (Moved) New Location

香港日本餐廳多到嚇死人，但係真正高級又正宗嘅壽司店，來來去去都係果幾十間。今日去試一間好出名嘅，唔知大家有冇試過。我叫左個10件壽司餐，面豉湯有少少太鹹，而且有點甘味。壽司件件都係最頂級嘅質素，就算係三文魚壽司，都食得出三文魚唔係嗰啲人工飼養嘅質素，而係好新鮮魚味嘅三文魚，至於立魚，toro同其他壽司嘅新鮮度，全部都係滿分，師傅已經落咗適當嘅日本豉油同埋wasabi, 基本上唔需要特別再調味。另外會有一張好細嘅濕布俾你,唔好以為係用來揉咀，是可以俾你俾你用手食壽司之後揉手,好正宗。朋友叫左懷石套餐,天婦羅件件被薄香脆,炸蝦天婦羅好鮮味，另外懷石料都有幾款刺身，不過吞拿魚就只係赤身。另外會有三件吞拿魚卷，同埋有大吞拿魚腩壽司同埋海膽，海膽會比吞拿魚卷更出色，大toro好肥美，但又不會太油。佢哋嘅蒸蛋同埋玉子壽司都係甜度適中，但味濃郁。另外懷石有一個燒立魚魚膠，唔太鹹，可以加少少豉油食。想食正宗日本壽司，一流推介。