魂燒 (Changed Hand) New Restaurant

無聊無事做，想起食拉麵，又要食得招積，走左去太子行左一轉，離遠就問到陣陣燒烤香味飄過黎，唔理咁多，行入去歎番餐先。地方淺窄，堂食只能容納十人左右，門口路邊都可以坐上幾個，店內佈置都好有日式化。蟹黃拉麵，用原隻頂角膏蟹，蟹膏多，拉麵爽滑，湯底鮮濃，美中不足，蟹不夠鮮味，及拉麵份量少了些。鰻魚飯，鰻魚燒得香口，軟熟有肉汁，仲有粟米，鮮甜，珍珠飯香滑，熱騰騰，淋上秘製醬汁，食苦啖啖魚肉，美味，但飯量亦少了些。燒秋刀魚，原條燒，肉質結實，燒得唔係好乾身，皮脆汁多，好味道！安格斯一口牛，燒得比較乾身，而且仲有渣。