Video
Read full review
2013-08-12
1046 views
爸爸一向比較鍾意中菜，對於我而言都確實幾難諗今年父親節餐廳係家姐介紹嘅≪老上海飯店≫，理所當然地我係連聽都未聽過嘅〜不過上海嘢我不嬲都ok，亦俾唔到其他選擇，所以一試無妨丫？食之前，老上海飯店俾我感覺係「貴嘢」同「會食到正式上海菜」嘅店而事實上係連服務都沿用以前果套：飯後有熱毛巾抹手 對於上海菜我唔太熟，不過整夜大家都非常滿意！唯一不足係個拔絲蘋果，大家都認為唔多好食...應該話係感覺好怪？家人鍾意食呢類醃菜類食品，媽媽話老上海個蘿蔔整得好好食！我自己就鍾意之後叫嘅醉豬手，夠入味，又彈牙<3我自己本身鍾意食鱔，呢碟清炒鱔糊當然係極速被ＫＯ啦～老上海嘅鱔糊係近年食過最好食嘅，汁稠而唔覺膩，鱔肉有口感，係我嘅最愛<3不過當然，食鱔糊最緊要係加埋炸銀絲卷食！正！而炸銀絲卷亦非常正宗，可見包係一層層咁卷起狀，外皮因即炸而非常香脆上海燻蛋我係第一次食，蛋黃生熟剛好，流出濃稠嘅蛋汁，好好味！不過我哋剛好六個人，一人食半隻就啱啱好，否則略嫌太膩了（而且食得多都怕膽固醇啦～）沙窩雲吞雞亦係食上海嘢嘅必叫之選！因此我哋都唔例外叫咗一窩～雖然睇落個湯好似好清，不過其實係勁香勁濃嘅雞湯！雲
今年父親節餐廳係家姐介紹嘅≪老上海飯店≫，理所當然地我係連聽都未聽過嘅〜
不過上海嘢我不嬲都ok，亦俾唔到其他選擇，所以一試無妨丫？
食之前，老上海飯店俾我感覺係「貴嘢」同「會食到正式上海菜」嘅店
而事實上係連服務都沿用以前果套：飯後有熱毛巾抹手
對於上海菜我唔太熟，不過整夜大家都非常滿意！唯一不足係個拔絲蘋果，大家都認為唔多好食...應該話係感覺好怪？
家人鍾意食呢類醃菜類食品，媽媽話老上海個蘿蔔整得好好食！我自己就鍾意之後叫嘅醉豬手，夠入味，又彈牙<3
我自己本身鍾意食鱔，呢碟清炒鱔糊當然係極速被ＫＯ啦～老上海嘅鱔糊係近年食過最好食嘅，汁稠而唔覺膩，鱔肉有口感，係我嘅最愛<3
不過當然，食鱔糊最緊要係加埋炸銀絲卷食！正！
而炸銀絲卷亦非常正宗，可見包係一層層咁卷起狀，外皮因即炸而非常香脆
上海燻蛋我係第一次食，蛋黃生熟剛好，流出濃稠嘅蛋汁，好好味！不過我哋剛好六個人，一人食半隻就啱啱好，否則略嫌太膩了（而且食得多都怕膽固醇啦～）
沙窩雲吞雞亦係食上海嘢嘅必叫之選！因此我哋都唔例外叫咗一窩～雖然睇落個湯好似好清，不過其實係勁香勁濃嘅雞湯！
雲吞皮亦好薄好滑，只係我自己喜歡個湯多於雲吞，因為真係好好飲！
再來就係呢味乳腐方肉，又係第一次食，好食到不得了！雖然望落無乜特別，而且又好似只係一大舊嘅肥豬肉
但事實上係香滑而唔肥膩、非常稔且食到肉香嘅「好腩肉」XD
最後要提及嘅就係小籠包，個人認為小籠包乃係上海嘢嘅精髓！一間再出名嘅店，如果連小籠包都做得唔好又成何體統呢？係咪？
當然，老上海絕對不負眾望，小籠包做到皮薄、多汁、肉鮮香滑，所以就連下面嘅菜都俾我食哂～
成晚無立即被ＫＯ嘅兩樣就係拔絲蘋果（感覺好怪）同唔知咩鴨（好乾）
除此之外，老上海嘅整體分數真係可以俾80分以上！
因為連個清炒豆苗都可以做到被霎眼間ＫＯ，真係好好！而我自己亦希望會再去食～
Post
