Video
Read full review
2023-01-09
774 views
我諗唔係因為我表妹，我都唔會有機會試呢間預約困難店大坑我經常嚟，不過只限日頭居多，所以呢間外表黑蚊蚊主打食steak嘅店鋪，更加唔會係我食dinner嘅選擇list入面。大鄉里先知原來食扒都有Omakase。因為我表妹就住喺間舖隔離，所以佢哋黎嘅次數都相當頻密下，可以話係其中一間飯堂添。聽講佢哋由以前嘅細鋪睇仔食到而家咁大間舖，同老闆老闆娘熟到唔熟添啦。所以所有嘢都有由表妹同佢老公話事，我哋嚟到坐低就有得食㗎啦！因為今次帶埋兩個長輩嚟，本身諗住嚟食慶功宴，點知變咗短暫的慶祝活動，唔緊要啦都係一個藉口大家一家人食餐飯姐，不過今次食西餐就比較特別啲，平時多數都係飲茶食中菜居多！食咩頭盤主菜、side dish 其實其他食評應該寫得仲詳細過我，所以我一切從簡淨係寫啲我有深刻印象㗎啦！ 佢個湯同埋自家製蒜蓉包係我覺得最吸引嘅一上枱大家以為係南瓜湯，點知老闆娘叫我哋飲完之後講返啲材料出嚟，先發現原來係甘筍薯仔南北杏湯。將中式嘅湯水演變成西式嘅presentation！仲要冇落cream已經做到厚身嘅Texture🫶🏼再加埋自家製蒜蓉包🥰🥰其實飲完個湯食咗個包，之前再食咗一碟好香嘅櫻花蝦沙律，跟住
大坑我經常嚟，不過只限日頭居多，所以呢間外表黑蚊蚊主打食steak嘅店鋪，更加唔會係我食dinner嘅選擇list入面。
大鄉里先知原來食扒都有Omakase。因為我表妹就住喺間舖隔離，所以佢哋黎嘅次數都相當頻密下，可以話係其中一間飯堂添。聽講佢哋由以前嘅細鋪睇仔食到而家咁大間舖，同老闆老闆娘熟到唔熟添啦。所以所有嘢都有由表妹同佢老公話事，我哋嚟到坐低就有得食㗎啦！
因為今次帶埋兩個長輩嚟，本身諗住嚟食慶功宴，點知變咗短暫的慶祝活動，唔緊要啦都係一個藉口大家一家人食餐飯姐，不過今次食西餐就比較特別啲，平時多數都係飲茶食中菜居多！
食咩頭盤主菜、side dish 其實其他食評應該寫得仲詳細過我，所以我一切從簡淨係寫啲我有深刻印象㗎啦！
佢個湯同埋自家製蒜蓉包係我覺得最吸引嘅一上枱大家以為係南瓜湯，點知老闆娘叫我哋飲完之後講返啲材料出嚟，先發現原來係甘筍薯仔南北杏湯。將中式嘅湯水演變成西式嘅presentation！仲要冇落cream已經做到厚身嘅Texture🫶🏼再加埋自家製蒜蓉包🥰🥰
其實飲完個湯食咗個包，之前再食咗一碟好香嘅櫻花蝦沙律，跟住再嚟一大兜薯條同埋蘑菇，我已經有七成飽🤭主菜都未上
之後嘅牛扒有幾款選擇，最終我都係偏好澳洲和牛，軟淋啲雖然係比較肥。肉味較濃嘅就好有咬口，應該啱男士多啲。
最尾梗係唔少得甜品啦，不過我就覺得冇乜驚喜，當你發現原來佢連點薯條既醬汁都係自家製、個湯又咁特別嘅同時，點可以唔期待佢個甜品呀？可惜⋯⋯
雖然我食完成餐飯都唔知個價錢，不過我睇返其他食家嘅食評，大概都知道每位承惠$600！
其實應該係飲啲酒嘅，我唔係好飲得不過呢啲環境氣氛底下少少無妨，可惜今次同啲長輩就⋯⋯
講真我又未必會專登再嚟，可能我個人唔係好「好」食扒，不過Anyway都好多謝我表妹同佢老公嘅好介紹，全靠佢我先有得入嚟試吓。
有幾點如果大家想嚟食嘅話要留意番
（1）佢呢度好好唔收開瓶費
（2）每個月會開放俾你地上網book位，唔可以Walk in 㗎！
（3）冇限時，所以基本上每晚只係做1 round
(4) 預咗book幾多位就要confirm啦，如果唔係人哋好難幫你預啲食材㗎
（5）沙律🥗同薯條可以refill，其他就sorry 喇
PS 真係識人好過識字😙
17 views
0 likes
0 comments
Mushroom
8 views
0 likes
0 comments
11 views
0 likes
0 comments
10 views
0 likes
0 comments
脆脆櫻花蝦沙律
13 views
0 likes
0 comments
甘筍薯仔蘿蔔南北杏湯配自家製蒜蓉包
15 views
0 likes
0 comments
Post
