Video
Read full review
2011-10-05
23 views
已經好耐無去Simplylife，對佢地嘅龍蝦濃湯同麵包念念不忘。我哋一行二人，為左唔洗等位，決定提早食飯，6:10PM 就到步，唔洗5分鐘，就有位坐。坐底之後發現以前個餐牌轉咗，得番一個要加$30轉餐嘅Set Menu ，再睇真d，以前嘅龍蝦濃湯、南瓜湯....... 統統無曬，如果想飲湯，加$30轉餐，就會有一款蜆肉忌廉湯！無其他湯選擇！如果唔想飲湯，可以跟沙律，但沙律嘅賣相好差，份量亦好少，所以我哋都要湯，唔要沙律。再望吓個餐飲，跟餐會有嘢飲，不過只兩個選擇，就係汽水 同 自家製嘅凍菊花茶，無跟正常嘅熱飲，要叫熱飲，就要散叫！講番個餐，我哋兩個人食，諗住叫兩個餐share，一個要水牛芝士什蕃茄沙律，另一個要香煎鱸魚茴香有機糙米飯。點完菜之後，如常地上每人一份麵包，記憶中，以前的麵包會暖暖哋，不過今次個包好凍，亦無以前咁香軟。之後上嘅蜆肉忌廉湯，味道啖而無味，湯內有幾粒蜆肉，整體感覺唔太好。至於兩個主菜，水牛芝士什蕃茄沙律的份量多，蕃茄算新鮮，芝士份量亦夠，算是不過不失。而另一個香煎鱸魚茴香有機糙米飯，份量細細份，男士會不夠吃，而整個飯以南瓜汁打底，鱸魚味道偏鹹，一撞之下，鹹上加鹹
我哋一行二人，為左唔洗等位，決定提早食飯，6:10PM 就到步，唔洗5分鐘，就有位坐。
坐底之後發現以前個餐牌轉咗，得番一個要加$30轉餐嘅Set Menu ，
再睇真d，以前嘅龍蝦濃湯、南瓜湯....... 統統無曬，
如果想飲湯，加$30轉餐，就會有一款蜆肉忌廉湯！無其他湯選擇！
如果唔想飲湯，可以跟沙律，但沙律嘅賣相好差，份量亦好少，所以我哋都要湯，唔要沙律。
再望吓個餐飲，跟餐會有嘢飲，不過只兩個選擇，
就係汽水 同 自家製嘅凍菊花茶，
無跟正常嘅熱飲，要叫熱飲，就要散叫！
講番個餐，我哋兩個人食，
諗住叫兩個餐share，
一個要水牛芝士什蕃茄沙律，
另一個要香煎鱸魚茴香有機糙米飯。
點完菜之後，如常地上每人一份麵包，
記憶中，以前的麵包會暖暖哋，不過今次個包好凍，亦無以前咁香軟。
之後上嘅蜆肉忌廉湯，味道啖而無味，湯內有幾粒蜆肉，整體感覺唔太好。
至於兩個主菜，水牛芝士什蕃茄沙律的份量多，蕃茄算新鮮，芝士份量亦夠，算是不過不失。
而另一個香煎鱸魚茴香有機糙米飯，份量細細份，男士會不夠吃，而整個飯以南瓜汁打底，鱸魚味道偏鹹，一撞之下，鹹上加鹹，唯一可取的，是米飯的口感不錯。
最後上嘅一杯凍菊花茶，走冰之後，溫度較岩飲。味道方便，有d似紙包菊花茶的少甜板。
特別一提，佢哋依家上菜勁快，一次過迫你九秒九食完就走，
離開之時，見門口真係有一條人龍，
不過如果依個質素繼續落去，好快會此情不再啦！
至少，我已經唔想再去了！
Post
