標記樂園潮州粉麵菜館

Open Now

Now Closed

出開旺角打冷，點可以唔去歷史悠久嘅標記！哎呀，點知又因為地產霸權，搬左位置！嚇死，仲以為又失去香港人嘅集體回憶！雖然搬左女人街旁邊，但出品一如以往依然咁有特色！地方都比以前乾淨。其實食潮州打冷，想知道師傅手勢同功夫，有幾樣野喺必食！我地幾個咀叼嘅麻甩佬，緊喺叫左一窩《蠔仔粥》、《煎蠔餅》、《炸大腸》同《鹵水鵝片》。食過好多《蠔仔粥》，始終都喺覺得標記最正宗！潮州冷飯加上自家湯底，蠔仔又漲卜卜！非常好食！標記《煎蠔餅》又喺一絕！蛋醬同蠔仔比例啱啱好，而已夠廷身，一夾之下唔會散開！《炸大腸》外脆內嫩，而且洗得朝淨。《鹵水鵝片》依然好有口感，肉質彈牙，味道啱啱好，又唔會太咸！“雞有雞味，魚有魚味”依類廢話食評真喺唔駛多寫，因為鍾意食打冷嘅朋友，冇理由冇食依間老字號打冷。慶幸喺出品水平依然keep 到以前嘅風味。