湯火功夫麻辣燙 (Closed)

小妹非常愛吃麻辣燙，因為可以隨心選擇自己鍾意食嘅食物，炮製成一碗最適合自己口味嘅麵食！呢日就試左呢間位於銅鑼灣嘅麻辣燙專門店。食材選擇都幾多元化，湯底就有四款，分別係招牌、麻辣拌（無湯）、泰式冬陰功同番茄。招牌可以揀辣或者唔辣，更可以選擇唔同辣度。我自己就揀左招牌湯底，其實食落有啲似擔擔麵嘅湯底，配料方面我揀左秘製豬腩、萵筍同金菇，豬腩肉好入味，甜甜地，有啲似食緊日式叉燒，好味！萵筍同金菇爽甜美味，吸收曬啲湯汁，好好味！我仲試左辣椒油，好香口，又唔會好辣。飲品方面我就order左酸梅汁，酸酸地解辣一流。鍾意食麻辣燙嘅朋友一定要試下呢間餐廳喔！