老鍋台式火鍋 (京都廣場) (Closed)

銅鑼灣台式火鍋，店內裝潢好有台灣特色。湯底我地揀左酸菜白肉鴛鴦鍋，用上極品豬王花腩，仲有大量蔬菜配料，粟米、冬菇、蕃茄、紅棗⋯味道清甜得黎帶點開胃嘅酸味，啱哂我🤪裡面嘅寬粉條索哂啲湯真係一流🥰✨雪花牛/美國梅花豬肉前者牛味香濃、油花適中唔會太肥；後者肉質鮮嫩、味道濃郁。✨綜合手工丸拼盤有梅菜豬肉丸、墨魚丸、蝦丸、流心咸蛋黃豬肉丸、芝士牛肉丸。大推流心咸蛋黃豬肉丸，個流心咸蛋餡真心一流，整體超惹味；個梅菜豬肉丸都好香。後加左一份牛丸都好彈牙。✨五彩鮮蔬盤有生菜、金菇、冬菇、南瓜片、車厘茄、粟米等，都好新鮮，爽脆鮮甜。