Video
Read full review
2018-06-16
611 views
友人最近不知怎的迷上了吃酸菜魚，三日唔埋兩日就嚷著要去吃，有時甚至連供應酸菜魚麵的店子也不放過。最近見食友到訪了剛開業嘅十二味旗艦店，並且品嘗了店子兩大主打菜式：麻辣香鍋同酸菜魚，回家後撰文大讚前者麻香鮮辣，而後者亦風味獨特，滋味非常，令人一吃上癮。既然食友講到咁好味，就一於拉埋友人來一探究竟。新店位於西環堅尼地城山市街山市樓地下，門面設計非常搶眼，裝修得古色古香，流露出濃濃的中國風。推門內進，近門口右手邊設有一個服飾零售區，趁店員招呼其他食客，先在這個角落逛逛，原來這裡除了有售賣新派華服外，還有可愛的熊貓布偶發售，最啱遊客買嚟做手信。再往內走，嘩！睇得出餐廳喺設計同佈置方面下了不少功夫，融入了許多傳統的文化元素喺裝潢上，例如瓦片、燈籠、珠算、屏風、熊貓公仔等等，而且每張桌子都備有沙發軟墊，令人坐得舒服。餐牌一張過，A3 Size，分為底面兩頁，當中包括有 19 款經典熱菜、2 款招牌自選香鍋，7 款涼菜、另外仲有主食及甜品 & 酒水及飲品等。既然餐廳主打酸菜魚同招牌自選香鍋，就一於每樣點一客，再加飲品，並以甜品作結。飲品選了欲望酸梅 ($28) 同加多寶 ($20)，前者喝起來酸甜
新店位於西環堅尼地城山市街山市樓地下，門面設計非常搶眼，裝修得古色古香，流露出濃濃的中國風。推門內進，近門口右手邊設有一個服飾零售區，趁店員招呼其他食客，先在這個角落逛逛，原來這裡除了有售賣新派華服外，還有可愛的熊貓布偶發售，最啱遊客買嚟做手信。
再往內走，嘩！睇得出餐廳喺設計同佈置方面下了不少功夫，融入了許多傳統的文化元素喺裝潢上，例如瓦片、燈籠、珠算、屏風、熊貓公仔等等，而且每張桌子都備有沙發軟墊，令人坐得舒服。
餐牌一張過，A3 Size，分為底面兩頁，當中包括有 19 款經典熱菜、2 款招牌自選香鍋，7 款涼菜、另外仲有主食及甜品 & 酒水及飲品等。既然餐廳主打酸菜魚同招牌自選香鍋，就一於每樣點一客，再加飲品，並以甜品作結。飲品選了欲望酸梅 ($28) 同加多寶 ($20)，前者喝起來酸甜醒胃，生津解渴；而後者其實即係王老吉，用來配濃味的食物，清熱降火，健脾消滯。
接著是一客人見人愛酸菜魚 ($198)，酸菜魚可以揀辣或者唔辣，由於我和友人兩個都不大吃得辣，所以選了後者。酸菜魚非常大碟，分量十足，入面除了有大量魚肉外，還放有酸菜、萵筍和菇片等。魚肉以新鮮游水鱸魚切片煮成，大件又厚身，細骨唔多，食落嫩滑有彈性，完全無腥味。另一主角酸菜亦非常講究，用上三種不同品種混搭而成，包括雲南老壇酸菜、廣東咸酸菜和四川酸菜。湯底以豬骨湯及四川新鮮花椒熬製，入口唔算油膩，酸味較重，辣味溫和，非常適合我和友人口味。
至於招牌自選香鍋，鍋底可選「經典香辣鍋」或「秘製醬香鍋」，揀了後者。鍋底均一定價為 $38，另外最少要選五款或以上配菜，配菜分為兩大類，有葷菜或素菜，客人可以像吃車仔麵般自選，揀咗美國肥牛 ($48)、豬頸肉 ($38)、蓮藕片 ($22)、寬粉 ($22) 和四季豆 ($22)。鍋底以十多種來自成都的香料乾炒而成，夠曬鑊氣，加上爽口的蓮藕片、柔韌有嚼勁的寬粉等一起吃，香味十足。
一場嚟到，無理由唔食埋甜品先走，點了幺妹兒冰粉 ($26)，冰粉以豌豆粉製成，上桌時呈啫喱狀，外表晶瑩剔透，入口又彈又滑，加上桂花糖水的獨特芳香，為舌尖和味蕾帶來雙重享受。其實除了上述兩大名菜，其他菜式，如十二味上上簽、糖醋排骨、大盆花菜等都十分吸引，下次一於搞個飯局，約班食友來這裡敍一敍。
Post
